Mektep muǵalimi Astanada ótken pedagogter forýmynda Oqý-aǵartý ministri Ǵani Beisembaevqa suraq qoiyp, mekteptegi jemqorlyq týraly aitty, - dep habarlaidy Dalanews.kz Ulysmedia.kz-ke siltep.
– Men ózim Aqmola oblysyna kelip, ózime jumys taptym. Ózimdi jumyspen qamtydym. Biraq inilerim, sińlilerim bar. Biraq olar bir jerge jumysqa turý úshin ótirik emes, kemi 1 nemese 2 mln teńgege deiin aqsha suraidy. Ol kádimgi jemqorlyq. Men tek pedagog mamandyqta demeimin, negizi ońtústikte kóp jemqorlyq taraǵan. Biraq sonyń muǵalim mamandyǵy bizge kerek qoi!? Qashan men siiaqty aqshasyz ózi jumysqa tura ala ma? – dep surady ministrden boijetken.
Bul Oqý-aǵartý ministri Ǵani Beisembaevqa Astanada ótken aýyl mektepterindegi pedagogterdiń respýblikalyq forýmynda aitylǵan. Jýrnalister keiin Beisembaevqa osy suraq jóninde pikirin bildi.
– Áriptesimizdiń qoiǵan suraǵy qai mektepte, qai aýdanda bolǵany naqty aitylǵan joq. Oblysty birden qaralaýǵa bolmaidy ǵoi. Bul suraqty sol sebepti kópshiliktiń aldynda qaýjaǵanym joq. Jalpy ol aqparattyń sebebin anyqtaimyz. Aqparat naqty bolsa, tekserý qiyndyq týǵyzbaidy dep oilaimyn, – deidi ol.
Ministr óz vedomstvosy antikormen birlesip, tyǵyz jumys atqaryp jatqanyn, sonyń arqasynda 15 mlrd teńgeden artyq soma jymqyrylǵany anyqtalǵanyn aitady.
Jalpy Qazaqstannyń óńirlerinde mekteptegi jemqorlyq jaily buqaralyq aqparat quraldarynda jii jazylyp turady.
