Aqparat kózderiniń habarlaýynsha, dál qazir 234 sarbaz maǵanasyz soǵysqa qatysýdan bas tartqany úshin Lýgansk oblysyndaǵy Brianka qalasyndaǵy jertólelerge qamap tastaǵany málim boldy. Osydan keiin Reseidegi adam quqyn qorǵaityn uiymdar bul máseleni kóterip, sarbazdardyń ata-analarymen birge dabyl qaǵyp jatyr.
Sarbazdardyń ata-analary balalaryn áskeriler jaryǵy joq qarańǵy jertólelerge qamap, olarǵa sý men tamaqty durys bermei jatqanyn aityp shaǵymdanydy.
Osylaisha orys áskeriniń qolbasshylary sarbazdarǵa tize batyryp, olardy raiynan qaitarýǵa tyrysyp jatsa kerek.
Brianka qalasynda qamaýda otyrǵan 19 sarbazdy kúni keshe ǵana SIZO-ǵa alyp ketken. Ázirshe olarǵa qatysty aqparat joq.
Quqyq qorǵaýshalar Resei áskeriniń qatarynda áskeri boryshyn ótep júrgen sarbazdar zań boiynsha áskeri operatsiiaǵa qatysýdan bas tartýǵa quqy bar ekenin aitýda. Bul úshin zańda olardy qandaida bir jaýapkershilikke tartý qarastyrylmaǵan.
Sarbazdardyń maǵanasyz soǵystan bas tartyp jatqany jaiyndaǵy aqparat 13 shildede belgili bolǵan. Sol kezde «Svobodnaia Býriatiia» qoǵamdyq qorynyń vitse-prezidenti Viktoriia Maladaeva uzyn sany 500-ge jetetin sarbazdyń ásker operatsiiaǵa qatysýdan bas tartyp, ótinish jazǵanyn jetkizgen edi.
Reseidiń qarýly kúshter soǵystan bas tartqan sarbazdardy úilerine qaitarýdyń ornyna – olardy qamap, qorqytyp-úrkitýge kóshken. Osylaisha jaǵdai ýshyǵýda. Orys áskeri jappai qarsylyq tanytatyn bolsa, Kreml aidai álem aldynda abyroidan jurdai bolýy múmkin.
