160 úlgili aýyl paida bolady
«Nur Otan» partiiasy uiymdastyrǵan konferentsiiaǵa Partiia tóraǵasynyń birinshi orynbasary N.Joldasov pen oblystyq máslihat hatshysy Q.Balabiev pen máslihat depýtattary jáne bastaýysh partiia uiymdary men «Jas Otan» Jastar qanatynyń músheleri, buqaralyq aqparat quraldarynyń ókilderi qatysty.
Jiyn barysynda Partiia Tóraǵasy N.Nazarbaevtyń partiianyń kezekti XVIII Sezinde bergen tapsyrmalaryn – «Halyqqa kómek», «Baqytty otbasy», «Aýyl – el besigi», «Qutty meken» ulttyq jobalaryn iske asyrý barysy men «Nur Otan» partiiasynyń kezekti HIH Sezine delegattaryn sailaý týraly máseleler qaraldy.
Baiandama barysynda oblys ákimniń orynbasary Erbol Sadyr Partiia sezinde usynylǵan «Baqytty otbasyn» júzege asyrý týraly mindet júktelgenin aityp. Osy baǵytta «Nur Otan» partiiiasynyń oblystyq filialalymen birlesip, kópbalaly otbasylarǵa qoldaý kórsetý sharalaryn jandandyrý kerektigin aitty.
«Partiia sezinde «Baqytty otbasy», «Halyqqa kómek», «Aýyl – el besigi» jáne «Qutty meken» jobalar usynylǵan bolatyn. Búginde ol baǵytta jumystar bastalyp ketti. Bul jobalarda eldiń áleýmettik jaǵdaiyn kóterý, óńirlerdi damytý, iri qalalardan bastap, eldi mekenderdi túletý sharalary qamtylǵan. 2019 jyly oblysymyzda joba aiasynda is-sharalardy iske asyrý úshin respýblikalyq biýdjetten 3 669,4 mln. teńge bólinip, oblys boiynsha 6 eldi meken: Báidibek aýdany Báidibek ata eldi mekeni, Qazyǵurt aýdany Qyzylqiia eldi mekeni, Otyrar aýdany Qoǵam eldi mekeni, Saryaǵash aýdany Bereke eldi mekeni, Keles aýdany Abai jáne Kentaý qalasy Yntymaq eldi mekenderin qarjylandyrý josparlanýda» , – dedi E.Sadyr.
Jiynda 23 sáýir kúni Nur-Sultan qalasynda ótetin «Nur Otan» partiiasynyń kezekti HIH Sezine qatysýshy delegattar sailandy.
«Nur Otan» partiiasy Túrkistan oblystyq filialynyń baspasóz-qyzmeti
