QTJ Áskerilendirilgen temirjol kúzetiniń basshylary sottaldy,- dep habarlaidy Dalanews.kz Antikorǵa siltep.
Astana qalasynyń qylmystyq ister jónindegi aýdanaralyq soty «Áskerilendirilgen temirjol kúzeti» JShS bas direktory B. Nahanovqa, onyń orynbasary A. Muqataevaǵa jáne menedjer R. Sidikovqa qatysty úkim shyǵardy.
Olar beinebaqylaý jabdyqtaryn satyp alýǵa bólingen 159,4 mln teńge somasyna aqsha jymqyrǵany úshin kináli dep tanyldy.
Sondai-aq, Nahanov áskerilendirilgen temirjol kúzetiniń júrgizýshisi retinde adamdy jumysqa ornalastyrý arqyly laýazymdyq ókilettikterin asyra paidalanǵany úshin sottaldy.
Sot úkimimen Nahanovqa 8 jyl bas bostandyǵynan aiyrý jazasy taǵaiyndaldy.Sol úkimmen Muqataeva men Sidikov 7 jylǵa bas bostandyǵynan aiyryldy.
Atalǵan adamdar memlekettik qyzmette qyzmet atqarý quqyǵynan ómir boiyna aiyryldy.
Úkim zańdy kúshine engen joq.
