Men barǵoi kóp nárseni aityp, úgittep, oi salyp, namysqa tiip júrmin ǵoi. "Qyz kúieýge qyz bop tiiý kerek". "Árkimmen júrmeýi kerek, tieiin dep jatqan kúieýin ákesine kórsetip alýy kerek, vahabit bop shyqpas úshin". "Qyz ózin-ózi silata bilý kerek, eshkimniń ony urýǵa quqy joq". "Qyzdar sender eń birinshi elimizdiń azamatysyńdar" degen siiaqty. Arasynda oiǵa kelgen nárselerdi jazyp júrmin.
Maqsatym – durys qoǵam bolsa eken degen oi. Bireýler oilaidy, erikkennen salyp júrgen áleýmettik sýret dep. Olai emes. Bul qoldan kelgen qorǵanyshym jastarǵa, balalarym óskende ainalasynda tek jaqsy adamdar bolsa eken degen niet. Balalardy alyp Amerikaǵa kóship kete almaimyn, sondyqtan osy jerdi durystaý kerek.
Keshe Almatyǵa jinalysqa baryp keldim. BUU qory shaqyrdy. Sóitsem olarda arnaiy baǵdarlama bar eken. Balalardy bala kezinde júkti boldyrmaý, neshe túrli jaman aýrýlardyń aldyn alý, balalarǵa túsindirý. Statistika kórsetti, denem túrshigip ketti.
15 jasar qyzdardyń arasynda qyz emes bop qalǵandary qanshama. "Mamochki". Oilaisyńdar ǵoi, meniń balam bala, onyń (kórshiniń qyzy) buzylǵan dep. Naǵynda balamen dos bolý kerek. Sóilesý kerek. Túsindirý kerek. Bundai áńgimeden qashpaý kerek.
Topas erkekterde topas namys bar, túkke turǵysyz, qyzy ekiqabat bolǵanyn bilgen boida úiden qýyp shyǵatyn. Ózi ne isterin bilmei, ólgisi kep turǵan qyz bala, ólip te ketip jatqan jaǵdailar bar. Topas bolmańdar, qyz da ul da 13-ke kelgen boida sóilese bastańdar. Ol balanyń oiyn buzý emes. Saqtaý. Sony qashan túsinedi erkekter? Sony aityp sharshadym. Mamasy sóilesý kerek deisińder me? Mamasy ómir boiy "jezókshe" bolǵan bolýy múmkin, oǵan qyzynyń óitkeni norma bolýy múmkin.
Erkekter qyzdaryńdy qolǵa alyńdar. Qamqor bolyńdar, aqyryndap sóilesińder. 7 saǵat otyryp sóilestik jinalysta. Bolǵan jýrnalister durystap jazady ǵoi, meniki osy. Qoldan kelgenshe qorǵaimyn. Balany uratyn ákeden, áieldi uratyn baidyn, qyzdy júrgish jigitten, jaqsy jigitti jaman júrgish qatynnan, osylai jalǵasa beredi. Men bilem kóp adam meni jek kóredi. Maǵan báribir. Men myna jerde betimdi jyltyratyp alyp, fotoǵa túsip, keremet bolyp kóringim kelmeidi. Qolymnan kelgenshe elima paidam tise boldy, rahmet.
