Abai oblysynyń soty iri orman órti týraly is boiynsha úkim shyǵardy, - dep habarlaidy Dalanews.kz.
Borodýliha aýdandyq soty QK 292-baby 3-bóligi "órt qaýipsizdigi talaptaryn buzý" boiynsha qylmystyq isti qarady.
"Sot "Semei ormany" rezervatynda jáne Jańa Úlbi filialynda basshylyq laýazymdardy atqarǵan V. jáne K. orman órti kezinde olarǵa júktelgen órtti sóndirýdi uiymdastyrý jónindegi mindetterdi oryndamaǵanyn, jaǵdaidy durys baǵalamaǵanyn jáne órtti sóndirý kezinde qaýipsizdik tehnikasynyń saqtalýyn qamtamasyz etpegenin, sonyń saldarynan 14 adam qaza tapqanyn anyqtady. V. jáne K. kinási kýágerlerdiń aiǵaqtarymen, júrgizilgen saraptamalarmen, oqiǵa ornyn tekserý hattamalarymen, zattai dáleldemelerdi alý hattamalarymen jáne t. b. tolyq dáleldengen", - delingen sottyń habarlamasynda.
Osy aitylǵandardyń jazasy retinde sot eki azamatty 7 jylǵa sottaldy. Sot úkimi zańdy kúshine engen joq.
