13,8 myń gektar sýarmaly jer ainalymǵa qosylady
Kún tártibindegi «Kúzgi jiyn terim jumystarynyń aiaqtalýy jáne aýyl sharýashylyǵy salasy boiynsha 2017 jylǵa belgilengen indikatorlarǵa qol jetkizý týraly» oblystyq aýyl sharýashylyǵy basqarmasynyń basshysy Serik Turbekov baiandama jasady. Onyń aitýynsha, biyl óńirde egistik kólemi 29 myń 300 gektarǵa artqanymen, jalpy dándi daqyldar boiynsha ónim alý 1 gektardan 24,3 tsentnerden 22,8 tsentnerge kemigen. Sondai-aq, biyl maqta alqabynyń da kólemi 25 myń gektarǵa artyq egilgenimen, ótken jyldan ár gektardan ónim alý 2,6 tsentnerge azaiǵan. Mamandar munyń sebebin egistik kóleminiń artyp, ziiankesterdiń kóbeiip ketýimen bailanystyrady.
– Biyl maqtadan bólek, masaqty daqyldardyń túsimi men alynǵan ónimi byltyrǵy jylmen salystyrǵan azaiǵanyn baiqap otyrmyz. Mysaly, 2016 jyly ár gektardan 20,2 tsentner masaqty dándi daqyldary alynǵan bolsa, biyl ár gektardan 18,3 tsentner ónim alyndy. Maqtaral, Sozaq aýdandary jáne Túrkistan, Kentaý qalalarynan basqa barlyq aýdandarda ónim alý kórsetkishteri azaiyp otyr, – dedi Serik Ordabekuly.
Biyl ońtústik kókónis pen baqsha ónimderi óndirýde jaqsy kórsetkishterge qol jetkizgen. Jańa baǵyt retinde jańǵaq pen badamsha egý jumystary da qarqyn alyp keledi. Aldaǵy jyly aýyl sharýashylyǵy daqyldary 7 myń gektarǵa artyp, 825 myń gektarǵa ornalastyrylady degen boljam bar. Onyń ishinde intensivti baýlar 804 gektarǵa, jańǵaq sharýashylyǵy qosymsha 500 gektarǵa egiledi dep josparlanýda. Aldaǵy josparlardy búginnen bastap pysyqtaýdy eskertken óńir basshysy egistik kólemin arttyryp qana qoimai, ónim sapasy men kólemin ulǵaitýǵa da mán berýdi tapsyrdy.
– Aldaǵy kóktemgi egin egý jumystaryna kirispes buryn aýdan, qala ákimderi, salaǵa jaýapty mamandar tiimdiligi mol daqyldardy egý jumystaryna saraptama jasaýy tiis. Bul áreket aýyl sharýashylyǵyndaǵy egistik jer men aǵyn sýdy meilinshe únemdeýge múmkindik beredi. Maqta salasyna da jańa tehnologiialardy endirý máselesine den qoiýdy tapsyramyn, – dedi Janseiit Qanseiituly.
Aldaǵy jyly oblysta 220 gektarǵa jylyjailar salynyp, jalpy kólemi 1514 gektarǵa jetkizilmek. Sondai-aq, 13,8 myń gektar sýarmaly jer jańadan ainalymǵa qosylatyn bolady. Al, tamshylatyp sýrarý ádisi 8,1 myń gektarǵa engizilip, jalpy kólemi 66, 6 myń gektarǵa ulǵaimaq.
OQO ákiminiń baspasóz qyzmeti
https://dalanews.kz/32051
