Elordada qurylysy uzaqqa sozylǵan nysandar kezek boiynsha jandanyp jatyr. Toqtap turǵan turǵyn úi keshenderin aiaqtaý boiynsha aýqymdy jumys júrýde. 150 kóppáterli turǵyn úi kesheniniń 90-y aiaqtaldy. Qalǵan 60 nysan biyl jáne kelesi jyly aiaqtalady.
Búgin qalany aralaý barysynda «Royal Expo» turǵyn úi kesheniniń qurylys barysymen tanystym. Qurylysy uzaqqa sozylǵan bul nysanda 300-den astam úlesker otbasy bar. Olardyń bári jyldar boiy baspanalaryn kútip keledi. Bul nysandy aiaqtaý úshin investor jumyldyryldy. Vitrajdaryn, terezelerin ornatý, ishki jelilerdi júrgizý jumystary júrip jatyr, bir jerinde jabynyn tóseý, sol siiaqty monolitti jumystar jáne t.b. Turǵyn úi keshenin biyl aiaqtaý josparlanyp otyr, – dep jazdy A.Kólginov.
Memleket basshysynyń tapsyrmasy boiynsha 16 myń úleskerdiń 13 myńynyń problemasy sheshildi.
Degenmen áli de 3 myń úlesker otbasy bar. Olardyń úlestik qurylys nysandary boiynsha qadamdyq is-shara jospary bar.
