Premer-Ministr Oljas Bektenov 7 aqpanda Úkimettiń keńeitilgen otyrysynda Memleket basshysy Qasym-Jomart Toqaev bergen tapsyrmalardy iske asyrý máseleleri jóninde keńes ótkizdi, dep habarlaidy Dalanews.kz.
Qarjy-ekonomikalyq blok ministrlerin tyńdap bolǵan soń, Premer-Ministr biýdjet shyǵystary tolyǵymen ekonomikalyq tabys ákelýge baǵyttalyp, ónimsiz shyǵystar tolyǵymen joiylýy kerektigin atap ótti.
«Qarjy ministrligi 10 kún ishinde respýblikalyq biýdjetke jáne bir ai ishinde jergilikti biýdjetterdiń barlyǵyna reviziia júrgizip, asa mańyzy joq shyǵystardy aitarlyqtai qysqartýy tiis. Eshkim de aqshany orynsyz shashpaýy kerek», — dedi Oljas Bektenov.
Conymen qatar Premer-Ministr Salyq kodeksiniń jobasyn qaita jazyp, onyń filosofiiasyn ózgertý qajettigin atap ótti.
«Sarapshylar men biznes qoǵamdastyqtarynyń pikirlerin eskerý qajet. Salyq kodeksi biznestiń belsendi bolýyna jaǵdai jasap, ony ulǵaitýǵa yntalandyrýy kerek», — dep tapsyrdy ol.
Oljas Bektenovtiń aitýynsha, qujatty daiyndaý kezinde ákimshilendirýdi tolyq tsifrlandyryp, salyq jeńildikterin berý máselesin retteý qajet.
Jalpy Premer-Ministr bizneske fiskaldyq shyǵyndar men ákimshilik júktemelerden qoryqpai, «ósý» qaǵidaty boiynsha jumys isteý úshin tiimdi jaǵdai jasaý qajettigin atap ótti.
Úkimet basshysy ónerkásiptik damýǵa jańa serpin berý úshin birqatar naqty mindetterdi belgilep, birinshi vitse-premer Roman Skliarǵa 10 kún ishinde barlyq iri ónerkásip kásiporny ielerimen, birinshi kezekte óndirýshi salalardaǵy kásiporyndarmen kelissózder júrgizýdi tapsyrdy.
«Olar jaqyn arada jańa joǵary dárejede óńdeý óndiristerin qurýdyń naqty josparlaryn usynýlary kerek», — dedi Oljas Bektenov.
Bul rette Premer-Ministr otandyq ónerkásip salasyndaǵy alpaýyt kásiporyndar qazaqstandyq taýarlardy, jumystar men qyzmetterdi satyp alýdy túbegeili arttyrýy tiis ekenin atap ótti. Olarmen tiisti kelisimder jasalmaq.
Qurylys salasynyń túitkildi máselelerin talqylai otyryp, Premer-Ministr otandyq óndirýshilerdiń ónimderin keńinen qoldanýdyń mańyzdylyǵyn atap ótti.
«Barlyq smetalyq qujattarǵa qazaqstandyq qurylys materialdary men basqa da zattar engizilýi tiis. Sondai-aq smetalyq qujattamalarǵa materialdar men jumystardyń qunyn orynsyz joǵarylatyp jiberýge qatysty tekserý júrgizińizder. Smetalardyń quny kóterilip ketetini barshaǵa málim. Bul máselede de tártip ornatý kerek», — dedi Oljas Bektenov.
Sondai-aq Úkimet basshysy ónerkásiptik kásiporyndardy energiiamen senimdi túrde qamtamasyz etýdiń mańyzdylyǵyn atap ótti. Prezidenttiń tapsyrmasy boiynsha biyl 700 MVt-tan astam qosymsha generatsiiany iske qosý qajet. Oljas Bektenov tapsyrma oryndalmaǵan jaǵdaida tiisti qorytyndylar jasalatynyn atap ótti.
Sý resýrstarymen qamtamasyz etý máselesine qatysty Premer-Ministr jaýapty ministrlikke ekonomika salalarynda sýdy utymdy tutyný jónindegi sharalar keshenin daiyndaýdy, sondai-aq sý paidalaný mádenietin engizý jónindegi jumystardy pysyqtaýdy tapsyrdy.
Qatty turmystyq qaldyqtardy qaita óńdeý zaýyttaryn salýǵa qatysty Úkimet basshysy bir ai merzimde jeke investitsiialar tartý jóninde usynystar ázirleýdi talap etti.
«Usynystar – bul jalpylama kózqarastardy ǵana emes, áleýetti investorlary men iske asyrý merzimderi bar naqty jobalardy bildiredi», — dep atap ótti Premer-Ministr.
Áleýmettik blok máselelerine toqtalǵan Oljas Bektenov eń aldymen MÁMS júiesin reformalaý qajettigine nazar aýdardy.
«MÁMS júiesi eleýli qaita formattaýdy qajet etedi dep sanaimyn. Qarajatty tiimsiz jumsaý men artyq jalǵan tirkeýler bola tura ony qarjylandyrýdy ulǵaitýǵa jol berilmeidi. Sala tolyq tsifrlandyrý men ashyqtyqty talap etedi», — dedi Premer-Ministr.
Otyrys barysynda Úkimet basshysy tsifrlyq transformatsiiany júrgizý, kólik jáne aýyl sharýashylyǵy salalaryn damytý, «Jaily mektep» jáne «Aýyldyq densaýlyq saqtaýdy jańǵyrtý» ulttyq jobalaryn iske asyrý, sondai-aq azamattardy áleýmettik qoldaý, memlekettik satyp alý jáne memlekettik-jekeshelik áriptestik tetikterin reformalaý jóninde naqty tapsyrmalar berdi.
«Biz batyl áreket etetin Úkimet bolamyz. Bizge ósý qarqynyn tiimdi ulǵaitý, ekonomikany ártaraptandyrýdy belsendirek júrgizý, investitsiia tartý jáne barlyq mindetterdi sheshý úshin jetkilikti ókilettikter berildi», — dep atap ótti Oljas Bektenov.
Onyń aitýynsha, formalizm men biýrokratiialyq sarsańǵa salýdy tolyǵymen joia otyryp, stereotipterden arylý qajet.
«Ministrler óz betinshe sheshim qabyldai bilýge tiis, salalyq máselelerdi óz deńgeiinde jedel sheshýleri qajet. Jumys qarqyny joǵary, talap qatań bolatynyn árkim túsinýi tiis», — dep qorytyndylady sózin Premer-Ministr.
