Shildeden bastap Qazaqstanda birneshe azyq-túlik túrleri qymbattaidy, dep habarlaidy Dalanews.kz.
Un, mai jáne alkogol
Digitall business málimetinshe, saýda jáne integratsiia ministrligi 2025 jyldyń 1 shildesinen bastap birneshe taýarlar boiynsha eń tómengi baǵalardyń kóterilgenin habarlady.
Un 44,6%-ǵa qymbattaidy (eń tómengi baǵa 96,65 teńgeden 139,81 teńgege deiin ósti), kúnbaǵys maiy – 61,2%-ǵa. Sondai-aq ashytqy da qymbattady. Bul ingredientterdiń tanymaldyǵyn eskere otyryp, kóptegen taǵamdardy daiyndaý quny da ósedi, sondai-aq nan, toqash, konditerlik ónimder de qymbattaýy múmkin.
Alkogolge kelsek: araq 6,4%-ǵa qymbattap, litri 1136,16 teńge bolady, al koniak – 21,5%-ǵa, litri 3282,97 teńgege deiin ósedi.
Kórsetilgen eń tómengi baǵalar 2025 jyldyń 1 shildesinen 30 qyrkúiegine deiin qoldanylady.
Jaqsy jańalyq ta bar - taýyq jumyrtqasy azdap arzandady. Eń tómengi baǵa 4%-ǵa tómendep, 39,38 teńgeden 37,8 teńgege deiin tústi.
Temeki
2025 jyldyń 1 shildesinen bastap temeki ónimderiniń baǵasy da ósti - 920 teńgege deiin.
Temekige bólshek baǵany 920 teńge deńgeiinde belgileý 2025 jyldyń 1 shildesinen 31 jeltoqsanyna deiin usynylady. 2026 jyldyń 1 qańtarynan bastap temeki 970 teńgege deiin qymbattaidy. Qazirgi ýaqytta bekitilgen eń tómengi baǵa - 870 teńge.
«Usynylǵan túzetýlerdi engizý Qazaqstanda temeki men temeki shegýdiń taralýy men qoldanylýyn turaqty túrde azaitýǵa baǵyttalǵan densaýlyq saqtaý salasyndaǵy maqsattarǵa qol jetkizýdi qamtamasyz etedi», - dep atap ótti Memlekettik kirister komiteti.
Taýarlyq gaz
2025 jyldyń 1 shildesinen bastap Qazaqstanda taýarlyq gazǵa jańa shekti baǵalar kúshine endi. Biraq Energetika ministrligi iri tutynýshylardy, sonyń ishinde maining kompaniialaryn, jáne ishki naryqtyń qalǵan bóligin bóldi.
Iri kompaniialar úshin, onyń ishinde mainerlerge Almaty, Almaty jáne Jetisý oblystarynda eń joǵarǵy baǵa – QQS-syz 1000 tekshe metr úshin 76 686 teńge. Shyǵys Qazaqstan oblysynda – eń tómengi shek – 13 069 teńge.
Qarapaiym tutynýshylarǵa kelsek, baǵanyń ósýin eń qatty Almaty, Almaty jáne Ulytaý oblystary sezinedi – 1000 tekshe metrge 39 979 teńge. Eń tómen baǵa ShQO-da saqtalyp otyr – 7 563 teńge (qazirgi baǵamen salystyrǵanda ózgeris joq).
