Baıqaý jeńimpazdary oqýlyqtarmen birge búkil tehnıkalyq qural-jabdyqpen qamtylady.
"1 naýryz ben 7 sáýir aralyǵynda Qazaqstanda osy baǵdarlamany júzege asyrý úshin baıqaý ótkizildi. Barlyǵy 111 ótinish túsip, sarapshylar keńesi bir aı boıy ár kandıdatýrany muqıat qarady", - deıdi jobanyń menejeri Saltanat Noǵaıbalanova, - Baıqaýdyń syılyq qorynda noýtbýkter, kolonkalar, kópfýnksıaly qurylǵy, proektor, shahmat taqtasy men fıgýralary, saǵattar jáne kórkemdik materıaldar boldy. Budan bólek, Qazaqstan shahmat federasıasy bastaýysh synyptarǵa arnaıy ázirlegen ádistemelik quraldar men oqytý baǵdarlamasy mektepterge beriledi".
Búginde bul baǵdarlama Almaty, Pavlodar, Qyzylorda jáne Shymkent qalalarynyń 2 myńnan astam oqýshy bilim alatyn 44 mektebinde júzege asyrylǵan. Materıaldy ıgerý ońaı bolýy úshin arnaıy oqýlyqtar qurastyrylyp, 85 bapker men 41 mektep psıhology daıyndyqtan ótipti. Shahmattyń balalarǵa yqpalyn tekserý maqsatynda 22 mektepte tájirıbe júrgizilip, oǵan bastaýysh synyptyń 1700-den astam oqýshysy qatysqan.
"Mektepte shahmat úıretý – federasıanyń basym baǵyttarynyń biri, - deıdi Qazaqstannyń shahmat federasıasynyń atqarýshy dırektory Irına Grıshenko, - Jańa oqý jylynda baǵdarlama Qazaqstannyń 34 qalasy men aýylyndaǵy 84 mektepte jumys isteıtin bolady. Baıqaýǵa respýblıkanyń barlyq oblysy qatysqany óte qýantarlyq jaıt. Máselen, Pavlodardan 20 ótinish kelip túsken".
Baıqaýda jeńiske jetken mektepter eldiń 30 qalasy men aýylynda ornalasqan: Kókshetaý, Aqtóbe, Temir, Atyraý, Almaty, Nur-Sultan, Shymkent, Shý, Jezqazǵan, Qaraǵandy, Qarqaraly, Temirtaý, Qostanaı, Qyzylorda, Aqtaý, Ekibastuz, Petropavl, Arys qalalary men Balqash, Kúrshim, Ývarovo, Qulan, Borseńgir, Aqtoǵaı, Kóktóbe, Chernoresk, Eńbekshi, Eńbektý, Shamalǵan aýyldary.
Derekkóz: sputniknews.kz
