Ministr 1 qyrkúiekten bastap oqý jyly qashyqtyqtan oqytý formatynda bastalatyndyǵyn eske saldy. Qabyldanǵan sheshim epidemiologiialyq jaǵdaiǵa bailanysty ózindik sipattamalarǵa ie.
- Aldyn ala boljam boiynsha, 2,6 million oqýshy Internet platformasy men teledidardy qoldana otyryp qashyqtyqtan oqytylady, 530 myń bala kezekshi synyptarda oqidy, 157 myńnan astam oqýshy shtattyq rejimde oqidy, - dedi Aimaǵambetov.
Onyń aitýynsha, shalǵaidaǵy aýyldyq mektepterde balalar shtattyq rejimde oqityn bolady. Bastaýysh synyp oqýshylary ata-analarynyń ótinishi boiynsha qatań sanitarlyq talaptarǵa sáikes oqýdy bastaidy, sol úshin kezekshi synyptar ashylady.
- Iaǵni, balalar bir kabinette bir muǵalimmen birge oqidy, ótinishter barlyq qoljetimdi bailanys quraldary arqyly elektrondy túrde qabyldanady, - dedi Bilim jáne ǵylym ministri.
