1 maýsymnan bastap júk kólikterdiń qozǵalysyna jazǵy shekteýler engiziledi, dep habarlaidy Dalanews.kz.
«QazAvtoJol» ulttyq kompaniiasy jaz mezgilinde respýblikalyq mańyzy bar avtojoldarda aýyr júk kólikteriniń qozǵalysyna ýaqytsha shekteýler engiziletinin habarlaidy. Bul sharalar kúnniń ystyǵynda jol jamylǵysyn saqtaýǵa jáne qaýipsiz qozǵalysty qamtamasyz etýge baǵyttalǵan.
Shekteý merzimi:
- elimizdiń ońtústik jáne batys óńirlerinde 1 maýsymnan 31 tamyzǵa deiin;
- soltústik jáne shyǵys óńirlerinde 1 maýsymnan 15 tamyzǵa deiin.
Shekteýler +25°C joǵary aýa temperatýrasy kezinde, kúndizgi ýaqytta engiziledi.
1 maýsymnan 31 tamyzǵa deiin saǵat 10:00-22:00 aralyǵynda kelesi aimaqtarda qozǵalysqa shekteý qoiylady:
- Almaty oblysy;
- Atyraý oblysy;
- Jambyl oblysy;
- Jetisý oblysy;
- Ulytaý oblysy;
- Qaraǵandy oblysy;
- Qyzylorda oblysy;
- Túrkistan oblysy;
- Mańǵystaý oblysy.
1 maýsymnan 15 tamyzǵa deiin saǵat 11:00-21:00 aralyǵynda kelesi aimaqtarda qozǵalysqa shekteý qoiylady:
- Abai oblysy;
- Aqmola oblysy;
- Aqtóbe oblysy;
- Shyǵys Qazaqstan oblysy;
- Batys Qazaqstan oblysy;
- Qaraǵandy oblysy;
- Qostanai oblysy;
- Pavlodar oblysy;
- Soltústik Qazaqstan oblysy.
Shekteýler jol jamylǵysyn qorǵaý maqsatynda engiziledi.
Joǵary temperatýrada asfalt jamylǵysy jumsaryp, aýyr júktemege tótep bere almaidy. Bul jol jabynynyń buzylýyna, oiyqtar men aqaýlardyń paida bolýyna alyp keledi.
Jazǵy shekteýlerdi saqtaý:
- joldardyń qyzmet etý merzimin uzartady;
- jóndeý shyǵyndaryn azaitady;
- jol qozǵalysy qaýipsizdigin qamtamasyz etedi.
