Тұмау, COVID-19, көкжөтел, дифтерия және сіреспеге қарсы вакцинацияға қатысты бес ірі зерттеу жүргізілді, деп хабарлайды dalanews.kz.
Денсаулық сақтау министрлігінің мәліметінше, зерттеулерге ондаған және жүздеген мың ана мен бала қатысқан. Зерттеулердің ешқайсысында жүктілік кезінде анасына вакцина салынуы мен баланың аутизм спектрі бұзылыстарының немесе ерте нейродаму проблемаларының жоғарылау қаупі арасында байланыс анықталмаған.
Зерттеулердің нәтижелері ірі когорталарға, медициналық тіркелімдерге және баланың денсаулығына әсер етуі мүмкін басқа факторларды ескеруге негізделген.
Ғылыми деректердің қазіргі жиынтығы жүктілік кезінде вакцинациялау баланың аутизм қаупін арттырады деген болжамды растамайды.
Бұл ретте жүктілік кезіндегі вакцинация мәселесін әйелдің жеке денсаулық жағдайын ескере отырып, дәрігермен талқылау қажет.
