2026 жылғы алғашқы алты айда Ұлттық қорға 1,79 трлн теңге түсті, деп хабарлайды dalanews.kz.
Оның басым бөлігі Атырау облысына тиесілі, яғни 1,024 трлн теңге немесе жалпы көлемнің 57,19%-ы.
Өңірлер бойынша көрсеткіш мынадай:
- Атырау облысы - 1 024,23 млрд теңге (57,19%)
- Батыс Қазақстан облысы - 397,36 млрд теңге (22,19%)
- Маңғыстау облысы - 204,68 млрд теңге (11,43%)
- Астана - 57,88 млрд теңге (3,23%)
- Ақтөбе облысы - 56,22 млрд теңге (3,14%)
- Қызылорда облысы - 41,05 млрд теңге (2,29%)
- Алматы - 5,66 млрд теңге (0,32%)
- Түркістан облысы - 3,13 млрд теңге (0,18%)
- Қостанай облысы - 0,45 млрд теңге (0,03%)
Ұлттық қорға мұнай секторынан түсетін корпоративтік табыс салығы, пайдалы қазбаларды өндіру салығы, үстеме пайда салығы, экспортқа салынатын ренталық салық, өнімді бөлу туралы келісімдер бойынша Қазақстанның үлесі, сондай-ақ, осы саладағы әкімшілік айыппұлдар, өсімпұлдар аударылады.
