Шығыс Қазақстан облысында Жеңіс күніне орай ҰОС ардагерлері мен тыл еңбеккерлеріне әлеуметтік көмек көрсетіледі,- деп хабарлайды Dalanews.kz
Жергілікті атқарушы органдардың шешімімен, бюджет қаражаты есебінен Жеңістің 80 жылдығына орай соғысқа қатысушылар мен куәгерлерге біржолғы әлеуметтік қолдау көрсетіледі.
Ресми деректерге сәйкес, облыс аумағында қазіргі таңда ҰОС қатысы бар 4 264 адам тұрады.
Бекітілген жоспарға сәйкес:
- 12 ҰОС қатысушысы мен мүгедегіне – 5 млн теңгеден;
- 190 ардагерге – оның ішінде тыл еңбеккерлері, блокада куәгерлері, концлагерь тұтқындары және майдангерлердің жесірлері – 130 мың теңгеден;
- 4 062 тыл еңбеккеріне – 80 мың теңгеден төлем беріледі.
