Шығыс Қазақстан облысында биылғы 11 ай ішінде 1093 жол-көлік оқиғасы тіркеліп, салдарынан 180 адам қайтыс болды, деп хабарлайды Dalanews.kz.
Прокуратура жүргізген талдау нәтижесі апаттардың 87%-ы жеңіл автокөлік жүргізушілерінің жол ережесін өрескел бұзуынан туындайтынын көрсетеді.
Жыл басынан бері мас күйінде көлік тізгіндеген 1160 жүргізуші жауапқа тартылған. Олардың 75-іне қатысты қылмыстық іс қозғалған.
Ал 17 жол апаты дәл осындай жағдайда жасалып, 21 адамның өмірі қиылған.
