Қуандық Бишімбаев сот отырысында Салтанаттың жағдайы нашарлағанда алдымен жедел жәрдемге емес, балгерге хабарласқанын айтты, - деп хабарлайды Dalanews.kz.
Бүгінгі сот отырысы да Бишімбаевтан жауап алудан басталды. Оның сөзінше, Нүкенованың беті көгергенін көрген сәтте балгерге хабарласқан.
"Ұйықтап қалдық, сағат 13:30-да оны оята бастадым. Ол оянған жоқ. Сол жақ бетінде көгерген үлкен із бары және мұрны ісігені байқалды. Мен қатты уайымдап кеттім. Таныс балгерге қоңырау шалдым. Оған оянғанбағанын, көгерген жерін айттым. Ол 10 минуттан кейін қайта қоңырау шалуымды өтінді. Мен қайта қоңырау шалдым, ол "жай ғана шаршаған" деді. "Есін жиған соң үйге барыңдар" деді. Менің жүрегім орнына түсті", - деді Бишімбаев.
Кейін ол Нүкенованың жағдайы жақсармағанын көріп, Байжановтан дәрі әкелуін өтінген. Артынша жедел жәрдем шақырған.
"Мен Байжановқа жедел жәрдем шақыр дедім. Ол жедел жәрдем шақыруға жүгіріп кетті. Жедел жәрдемге хабарласқанда, олар жасанды тыныс алдыру керегін айтты. Мен оған жаттығу жасай бастадым. Жақындап, оның аузын ашқым келді, бірақ оның жағы қарысып қалған екен. Адам қайтыс болған кезде жақ сүйегі қарысып қалатынын қайдан білетінім есімде жоқ. Ол көз жұмғанын түсіндім, есеңгіреп қалдым. Содан кейін жедел жәрдем келді, олар жансақтау шараларын жасады", - деді Бишімбаев.
Бишімбаевтың сөзінше, асүйге барып, пышақ алып, өзін өлтіргісі келген.
"Мен асүйге барып, пышақ алдым. Бір ғана ой болды: өз-өзіме қол жұмсасам дұрыс болады деп ойладым. Кейін полиция келді. Мән-жай осылай болды",- деді Бишімбаев.
27 наурызда экс-министр Қуандық Бишімбаевтың ісі бойынша алқабилер таңдалған еді. Алқабилер алқасына 12 адам іріктелді: 10 – негізгі құрам, 2 – қосалқы. Содан кейін ашық сот отырыстары басталды.
Сонымен қатар, Қуандық Бишімбаев сотта Салтанат Нүкенованы аса қатыгездікпен өлтіргенін мойындамады. Бұл оқиға 2023 жылы 9 қарашада Астана қаласындағы BAU мейрамханасында болды.
Бұған дейінгі сөзінде Бишімбаев дәретханада қандай оқиға болғанын айтқан еді.
"Ол "маған берген сыйлықтарыңа ішің ашитын шығар" деді. "Олар маған неге керек?" дедім. "Бәрін қайтарамын" деді. "Қайтарудың қажеті жоқ, керек болмаса, лақтырып таста" дедім. Сол сәтте оған не болғанын білмеймін. Ол маған қарама-қарсы отырды. Менің көзімше сырғасын, неке жүзігін, сағатын, білезіктерін шеше бастады да, дәретханаға лақтырып тастады. Бәрін шын жүрекпен сыйлағанмын. Мен таңғалдым, әрекеттеріне қарап, сөйлей алмай қалдым. Не істерімді білмедім. "Ішетін бірдеңе әкелейін" деп дәретханадан шығып кеттім. "Иә, алып кел" деді", - деді ол.
Бишімбаевтың айтуынша, келген кезде есік жабық екенін көрген.
"...Салтанат есікті іштен жауып алған, соққының дауыстары естіліп жатты. Мен есікті қаға бастадым. "Салта, Салта, есікті аш" дедім. Ол естімеген болуы керек. Мен есікті жұдырықпен соға бастадым. Ол жүгіріп келіп, есікті қағып жатқанымды естіп, мені балағаттай бастады. "Сен мені осындай күйге жеткіздің" деді. Мен түсінбедім. ...Менде де агрессия пайда болды. ...Мен штативті алып, есікті ұра бастадым. Содан кейін есікте тесік пайда болды, кейін есікті іштен ашты. Ол мені балағаттай бастады, мен де оны боқтап айғайладым. Сөйтіп, жанжал басталды, ол мені ұра бастады, көйлегімді жыртып жіберді, мен оны ұстап алып, итеріп жібердім, қабырғаға соғылды. "Сабыр сақта" дедім. Ол маған қайта келе жатқанда, мен де оның жейдесін жыртып жібердім. Ол ашуланды. Жейдесін шешіп тастады. Оның үстіндегі киімнің бәрі 8-і күні түс кезінде концертке барар алдында сатып алынған еді. Маған киімдерін лақтыра бастады. Мен оны шапалақпен ұрып жібердім, ол кейін шегінді. Бәрі өте тез болды. Ол бір кезде "шалбарымды да шешемін" деді. Мен арқасынан ұстап алдым", - деді ол.
