Қазақстан Республикасы Парламенті палаталарының бірлескен отырысының күн тәртібі жарияланды. Мәжіліс төрағасы Ерлан Қошанов өкімге қол қойды, - деп хабарлайды Dalanews.kz.
“Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті Палаталарының бірлескен отырысы 2024 жылғы 19 қаңтарда сағат 10.00-де Астана қаласында шақырылсын”, – деп жазылған өкім мәтінінде.
Алайда Мәжілістің баспасөз қызметі күн тәртібінде қандай мәселелердің қарастырылатынын нақтыламады.
Естеріңізге сала кетейік, соңғы Парламент палаталарының бірлескен отырысы 2023 жылы 20 маусымда өтті.
