Павлодар облысында 8 әкімге айыппұл салынды, деп хабарлайды Dalanews.kz.
Павлодар облысының Аққулы ауданында прокуратура 20-дан астам заңсыз қоқыс үйіндісін анықтады.
Тексеру барысында бұл полигондарда экологиялық талаптардың өрескел бұзылғаны белгілі болды: тиісті рұқсаттар жоқ, мониторинг жүргізілмеген, фильтрат пен қоқыс газы бақылауға алынбаған.
Нәтижесінде ауылдық округтердің сегіз әкімі әкімшілік жауапкершілікке тартылды.
Оларға жалпы сомасы 1,7 миллион теңге айыппұл салынды.
