– Тексеруді тоқтатыңдар, бастарын қатырмаңдар. Жер телімін алу үшін тентіретуді қойыңдар. Жер учаскесін бөлу, жалға беру, мерзімін ұзарту, пайдалану мақсатын өзгерту, рұқсат алу, құжаттары ұзақ уақыт қаралады облыста. Осыған көңіл бөлу керек, – деді Президент.
Оңтүстік Қазақстанның мемлекеттен ең көп дотация алатын өңірдің бірі екенін айтқан Елбасы бюджетке қарап қол жая бермеуге кеңес берді. Өндіріс орындары көптеп ашылса да, оңтүстікте жұмыссыздар саны біршама ұлғайған.
Осы олқылықтың орнын толтыру үшін Назарбаев Түркістан, Отырар және Сайрам секілді тарихи аймақтарға туристер тартуды тапсырды. Шымкентте «Қазақ еліне мың алғыс» монументі мен облыстық «Қазақстан халқы ассамблеясы үйінің» ашылуына қатысқан Елбасы, сондай-ақ, Сайрам ауданындағы жаңа технологиялармен өсіріліп жатқан алма бағында да болып қайтты.
Дереккөзі: КТК арнасы
