– تەكسەرۋدى توقتاتىڭدار، باستارىن قاتىرماڭدار. جەر تەلىمىن الۋ ءۇشىن تەنتىرەتۋدى قويىڭدار. جەر ۋچاسكەسىن ءبولۋ، جالعا بەرۋ، مەرزىمىن ۇزارتۋ، پايدالانۋ ماقساتىن وزگەرتۋ، رۇقسات الۋ، قۇجاتتارى ۇزاق ۋاقىت قارالادى وبلىستا. وسىعان كوڭىل ءبولۋ كەرەك، – دەدى پرەزيدەنت.
وڭتۇستىك قازاقستاننىڭ مەملەكەتتەن ەڭ كوپ دوتاسيا الاتىن ءوڭىردىڭ ءبىرى ەكەنىن ايتقان ەلباسى بيۋدجەتكە قاراپ قول جايا بەرمەۋگە كەڭەس بەردى. ءوندىرىس ورىندارى كوپتەپ اشىلسا دا، وڭتۇستىكتە جۇمىسسىزدار سانى ءبىرشاما ۇلعايعان.
وسى ولقىلىقتىڭ ورنىن تولتىرۋ ءۇشىن نازاربايەۆ تۇركىستان، وتىرار جانە سايرام سەكىلدى تاريحي ايماقتارعا تۋريستەر تارتۋدى تاپسىردى. شىمكەنتتە «قازاق ەلىنە مىڭ العىس» مونۋمەنتى مەن وبلىستىق «قازاقستان حالقى اسسامبلەياسى ءۇيىنىڭ» اشىلۋىنا قاتىسقان ەلباسى، سونداي-اق، سايرام اۋدانىنداعى جاڭا تەحنولوگيالارمەن ءوسىرىلىپ جاتقان الما باعىندا دا بولىپ قايتتى.
دەرەككوزى: كتك ارناسى
