Сыртқы істер министрлігі Вьетнамдағы қазақстандықтарға үндеу жасады, деп хабарлайды Dalanews.kz.
"Осы күнге дейін елшілікке немесе дипломаттарымызға туристерден бірде-бір хабарлама түспеген. Бұл жаңбырлы маусым, табиғи жағдай екенін бәрі түсінеді. Сондықтан азаматтарымыздан абай болуды және жергілікті билік айтқан барлық ережені сақтауды сұраймыз", - деді СІМ өкілі Айбек Смадияров брифингте.
Айта кетейік, Вьетнамда су тасқыны мен көшкін салдарынан шамамен 90 адам қаза тауып, 12 адам хабар-ошарсыз кеткен.
Еске салайық, бұған дейін Мемлекет басшысы Вьетнам Коммунистік партиясы Орталық комитетінің Бас хатшысы То Ламға көңіл айтты.
