Таяу Шығыстағы жағдайдың ушығуына байланысты мұнай бағасы әлі қымбаттап жатыр. Бұған АҚШ пен Иран арасындағы келіссөздерде ілгерілеудің болмауы себеп болған, деп хабарлайды dalanews.kz.
Brent маркалы мұнай фьючерстері Лондондағы ICE Futures биржасында 0,7 долларға немесе 0,67%-ға өсіп, барреліне 104,91 долларға жетті. Дүйсенбі күні Brent бағасы 2,92 долларға немесе 2,88%-ға қымбаттап, барреліне 104,21 доллар болған еді.
Ал маусымдағы WTI маркалы мұнай фьючерстері Нью-Йорктегі NYMEX тауар биржасының электронды саудасында 0,88 долларға немесе 0,9%-ға өсіп, барреліне 98,95 долларға жетті. Бұған дейінгі сауда сессиясында бұл келісімшарт бағасы 2,65 долларға немесе 2,78%-ға көтеріліп, 98,07 доллар болған.
