Мемлекет басшысы Ұлттық домбыра күнімен құттықтады

Ақтоты Жапатова 04 шіл. 2025 19:12

ҚР Президенті Қасым-Жомарт Тоқаев Ұлттық домбыра күніне орай қазақстандықтарды құттықтап, жастардың төл өнерге деген ықыласына ризашылық білдірді,- деп хабарлайды Dalanews.kz

– Домбыра – ұлт болмысы, халық қазынасы. «Қазақ – нағыз қазақ емес, нағыз қазақ – домбыра». Әсіресе, өскелең ұрпақтың домбыраға деген ықыласы ерекше. Жастар төл мәдениетімізді терең түсініп, салт-дәстүрімізге құрметпен қарайды. Бұл – өте жақсы үрдіс. Өйткені ата-бабаларымыздың мәдени мұрасын көздің қарашығындай сақтау – нағыз отаншылдықтың көрінісі. Отанға сүйіспеншілік – мемлекеттілігіміздің темірқазығы. Қазақстан жастарының мұны жақсы түсініп, қолдайтынына ризамын. Мемлекет руханият саласын барынша дамыта береді. Дәстүрлі өнердің дүлдүлдері Қайрат Байбосынов «Қазақстанның Еңбек Ері», Айгүл Үлкенбаева, Айгүл Қосанова «Қазақстанның халық әртісі» атағына ие болды. Қасиетті қара домбыраның күмбірін бүкіл әлемге паш етіп жүрген азаматтарға алғыс айтамын, – деп жазды Қасым-Жомарт Тоқаев өзінің X парақшасында.

Еске салайық, Ұлттық домбыра күні шілде айының алғашқы жексенбісінде аталып өтеді.


Ұсынылған
Соңғы жаңалықтар