Мәжілісте оқу-ағарту министрлігін басқаруға кеткен Жұлдыз Сүлейменованың орнына кім келгені белгілі болды, деп хабарлайды Dalanews.kz.
Жаңа Мәжіліс депутаты болып Әбутәліп Мүтәлі сайланды.
Әбутәліп Мүтәлі – "AMANAT" партиясы фракциясының өкілі. Бүгін ол жалпы отырыста Экономикалық реформа және өңірлік даму комитетінің мүшесі болып сайланды.
Әбутәліп Мүтәлі – "Болашақ" бағдарламасының түлегі. Ол цифрлық технологиялар мен жасанды интеллект бағытында еңбек етіп жүрген білікті маман.
29 қыркүйекте мемлекет басшысының жарлығымен Жұлдыз Сүлейменова еліміздің Оқу-ағарту министрі болып тағайындалды.
Бұл тағайындауға дейін Жұлдыз Сүлейменова парламент мәжілісінің VII және VIII шақырылымдарының депутаты, Әлеуметтік-мәдени даму комитетінің мүшесі болды. Ол Amanat партиясының партиялық тізімі бойынша сайланған еді.
1 қазанда Жұлдыз Сүлейменованың мәжілістегі өкілеттігі мерзімінен бұрын тоқтатылды.
