Қуандық Бишімбаевқа қатысты сот отырысында өткір сұрақтар қоятын прокурор Айжан Аймағанованың атынан жалған парақша ашылып кеткен, - деп хабарлайды Dalanews.kz.
Бұл туралы бас прокуратура ескертті.
Бүгінде жалған парақшаға 15 мыңдай адам жазылып үлгерген.
Парақшада сот процесі видеоларының үзінділері және мемлекеттік айыптаушының жеке суреттері жарияланған.
Сондай-ақ, парақшада келесі жазба жарияланған «Дорогие Казахстанцы! Страницу открыла по просьбе обычных Людей! Но! Я не блогер! Я не могу отвечать Вам на личные сообщения! Просьба, не пишите в личку. Я боюсь обидеть Вас тем, что не отвечаю. Я обычный прокурор… Я обещаю работать для Нового Казахстана!».
"Құрметті әлеуметтік желі қолданушылары, бұл парақшаның Аймағановаға және басқа жаңадан құрылған парақшаларға еш қатысы жоқ екенін хабарлаймыз", - делінген хабарламада.
Астана қаласының прокуратурасы сенімді ақпарат көздеріне ғана сенуді сұрайды.
