Ақмола облысында сәтсіз айналып өту маневрі салдарынан сегіз жаңа «қытай көлігін» тасып келе жатқан автовоз аударылып кетті, деп хабарлайды Dalanews.kz.

Полицияның алдын ала мәліметі бойынша,Sitrak маркалы автовозының жүргізушісі Алматыдан Қостанайға бара жатқан. Алдындағы көлікті басып озуға әрекет жасаған кезде көлікті басқара алмай қалған.

Көп тонна жүк көлігі жол жиегінен шығып кетіп, кюветке аударылған.

Платформада сегіз жаңа қытай жеңіл көлігі тасымалданып келе жатқан.

Оқиға салдарынан зардап шеккендер жоқ. Оқиға орнында полиция қызметкерлері жұмыс істеп жатыр.

Қазір тексеріс жүргізілуде, соның ішінде жүргізушінің алкогольдік масаң күйін анықтау бойынша міндетті сараптама да бар.

Барлық процедура аяқталғаннан кейін процессуалдық шешім қабылданады.