Алматының Ботаникалық бағында әйелдердің демалуы үшін арнайы жасалған Ayelder Zhany алаңын орналастыру жалғасуда. Демалыс алаңы сәбилі аналар мен болашақ аналарға арналған орындықтармен толықтырылды.
Бақтың бұл бөлігінде әйелдер табиғатты тамашалап, таза ауамен тыныстап қана қоймай, өздеріне қамқорлық жасап, жайлылықта уақыт өткізе алады.
Ayelder Zhany кеңістігі әр түрлі жастағы әйелдердің қажеттіліктерін ескере отырып құрылған және жыл сайын дамып келеді. Бүгінде мұнда 5 ыңғайлы орындық бар. Жаңа орындықтардың орнатылуы Ботаникалық бақта уақыт өткізуді қолжетімді әрі ыңғайлы ету үшін жасалып отыр..
«Ботаникалық баққа сәбилі аналар мен жүкті әйелдер жиі келеді. Бұл балалармен серуендеуге және сапалы уақыт өткізуге тамаша орын, мегаполистің қақ ортасындағы табиғаттың бір бөлшегі, биік ағаштардың көлеңкесінде, қаланың у-шуынан бір сәт демалуға болады.
Әйел адамдардың өміріне қамқорлық жасай отырып, біз әйелдердің демалуы үшін ыңғайлы кеңістік жасауды шештік», - дейді Gedeon Richter Kazakhstan компаниясының PR менеджері Динара Бірмағанбетова.
Бұл әлеуметтік жоба әйелдердің өз денсаулығына қамқорлықты насихаттайтын танымал Gedeon Richter Kazakhstan ұйымдастыруымен Women’s Health жобасы аясында өтті.
Осы жоба аясында 22 қыркүйекте Алматы ботаникалық бағында тағы бір ерекше іс-шара – «Пион биі» би флешмобы өтті.
Жобаның ұйымдастырушылары алматылықтарды әрқайсысы бірегей қуат пен денсаулыққа пайдалы әр түрлі хореографиялық бағыттармен таныстырған кәсіби бишілерді тартты. Флешмобқа 500-ге жуық алматылық қатысты.
Алматыда өткен би флешмобы әйелдеріміздің жылдамдығын бәсеңдетіп, біраз демалуға мүмкіндік берді. Осылайша, «Әйел денсаулығы» жобасы қазақстандық әйелдердің назарын ең маңызды нәрсеге – өзіне қамқорлық жасауға аударды. Gedeon Richter Kazakhstan әйелдер денсаулығы саласындағы танымал сарапшылардың бірі және әлеуметтік-жауапты компания бола отырып, бұл бастаманы 2020 жылы Қазақстан Республикасы әйелдерінің әйелдер денсаулығы мәселелері бойынша хабардарлығын арттыру және әйелдердің денсаулығын сақтау мәдениетін дамыту мақсатында көтерді.
Айта кетерлігі, танымдық шара Алматы қаласының Бас ботаникалық бағының қолдауымен өтті. Бұл жер кездейсоқ таңдалған жоқ, өйткені дәл осы жерде, қаланың күйбеңінен алыс, ашық аспан астында және табиғатпен тікелей байланыста әйел ресурстарын қалпына келтіріп, шабыттанып, денсаулығын қуаттай алады.
Бақтың ішкі атмосферасына органикалық түрде сәйкес келу және кеңістіктің экологиясын бұзбау үшін флешмобтың бұқаралық іс-шаралар өткізуге рұқсат етілген арнайы бөлінген қоғамдық жерде ұйымдастырылуы маңызды.
Іс-шараның әсерлі сәті сыйлықтар таратылып, қатысушылармен бірге сурет салу болды.
