Алматыда ертең күн күркіреп, жел тұрады, деп хабарлайды Dalanews.kz
"30 қыркүйекте Алматыда күн күркіреп, 18 м/с жел ұйытқиды", - деп жазылған хабарламада.
Сондай-ақ, Қазгидромет 30 қыркүйекке, 1, 2 қазанға арналған ауа райы болжамын жариялады. Алдағы күндері Қазақстанның оңтүстігінде күн суытады.
"1 қазанда Жамбыл, Алматы және Жетісу облыстарында, 2 қазанға қараған түні Түркістан облысында жауын-шашын (жаңбырдың қарға ауысуы) болжанады. Сондай-ақ, 1 қазанда күндіз ауа температурасы 5-10 градусқа дейін төмендеп, 2 қазанға қараған түні 1-3 градус үсік жүреді", - деп жазылған хабарламада.
