Алматыда мереке күндері 189 жедел жәрдем бригадасы тынбай жұмыс істеген. Бұл жайлы ӨКҚ-да өткен баспасөз конференциясында Алматы қалалық жедел медициналық жәрдем қызметі директорының орынбасары Андрей Ложкин айтты, деп хабарлайды Dalanews.kz.
Биыл қалада пиротехникадан жарақаттану бойынша 20 жағдай тіркелген.
"Оның 11-і - балалар. Ең жас зардап шеккен бала 4 жаста болды. Он адам жедел жәрдеммен стационарға жеткізілді, жетеуі дәрігерге өз бетінше жүгініп, үшеуі жарақаты жеңіл болғандықтан ауруханаға жатудан бас тартты", - деді Андрей Ложкин.
