«Бостандық ауданына жоғары жақтан қосылған ықшамаудандарға қосымша мектеп автобустары бөлінеді деп едіңіз. Сол қашан іске қосылады?» – деп сауалын жолдады аудан тұрғыны.
«Өткен мәслихаттың отырысында бюджетке кіргіздік. Осы жылы арнайы мектептерге 100 автобус сатып аламыз. Жалпы, 2 млрд теңге бөлдік.
Автобустарды 1 қаңтардан жібереміз. Қала бойынша әр 8 ауданнан 29 мектепті таңдадық.
Бостандық ауданының әкімі берген тізім бойынша әл-Фараби даңғылының жоғары жағындағы мектептерге таңертең жүретін болады», – деп жауап берді қала әкімі.
