29 шілдеде кешке Qazaqstan телеарнасының тікелей эфирінде депутаттарды сайлар алдындағы ұлттық теледебат өтеді, деп хабарлайды dalanews.kz.
Ұйымдастырушылар тікелей эфирде жеті саяси партияның атынан қатысатын өкілдердің тізімін жариялады. Теледебатқа:
- "Әділет" партиясынан - Ренат Бектұров;
- Жалпыұлттық социал-демократиялық партиядан - Тазабек Самбетбай;
- "Байтақ" партиясынан - Нұргүл Қадырбаева;
- Қазақстан Халық партиясынан - Сұңқар Ислам;
- "Ауыл" партиясынан - Серік Егізбаев;
- "Ақ жол" партиясынан - Олжас Нұралдинов;
- Respublica партиясынан - Екатерина Смолякова қатысады.
Теледебаттың тақырыбы - "Қазақстанның болашағы - адами капитал".
Эфир барысында партия өкілдері сайлауалды бағдарламаларын таныстырып, елді дамытудың басым бағыттары бойынша ұстанымдарын ортаға салмақ.
