Биылдан бастап "2026–2028 жылдарға арналған республикалық бюджет туралы" заң күшіне енді.Qz Economy.Талдау телеграм арнасы жаңа Салық кодексіне шолу жасады, деп хабарлайды Dalanews.kz.
Есептік көрсеткіштер шамамен 10%-ға артты. Бұл зейнетақылар мен әлеуметтік төлемдердің өсуіне әсер етті.
АЕК — 4 325 тг
Күнкөріс минимумы — 50 851 тг
Ең төменгі зейнетақы — 69 049 тг
Бала тууға байланысты төлемдер
1–3-бала туған кезде — 149 416 тг → 164 350 тг
4-және одан да көп бала туған кезде — 247 716 тг → 272 475 тг
Көпбалалы отбасыларға жәрдемақы
4 балаға — 63 030 тг → 69 330 тг
10 балаға — 157 280 тг → 173 000 тг
Мүгедектігі бар азаматтарға төлемдер
І топ — 101 702 тг → 111 872 тг
ІІ топ — 81 362 тг → 89 498 тг
ІІІ топ — 55 474 тг → 61 021 тг
Жаңа Салық кодексі
2026 жылғы 1 қаңтардан бастап:
ҚҚС мөлшерлемесі 12%-дан 16%-ға өседі.
Сонымен қатар:
ҚҚС бойынша міндетті тіркеу шегі
15 млн тг → 40 млн тг болып ұлғаяды.
ҚҚС-тан босатылатындар қатарында:
тегін медициналық көмектің кепілдендірілген көлеміндегі қызметтер
МӘМС аясындағы қызметтер
отандық кітап басылымдары және баспа өндірісі
Корпоративтік табыс салығы (КТС)
Негізгі мөлшерлеме — 20%.
Алайда дифференцияланған ставкалар енгізіледі:
25% — банктер мен ойын бизнесі
(бизнесті кредиттеуді қоспағанда)
5% — әлеуметтік сала ұйымдарына
2027 жылы 10% болады
3% — ауыл шаруашылығы тауар өндірушілеріне
Сонымен қатар елде прогрессивті ЖТС мөлшерлемелері енгізіледі.
Көлік салығы
Жеңіл автомобильдерге пайдалану мерзіміне қарай
төмендетілген коэффициенттер қолданылады:
10–20 жыл — коэффициент 0,7
20 жылдан аса — коэффициент 0,5
Салықтан босатылады:
ардагерлер
мемлекеттік марапаттары бар азаматтар
көпбалалы аналар
мүгедектігі бар тұлғалар
Жеңілдік қозғалтқыш көлемі 4000 см³-тен асатын автомобильдерге қолданылмайды, егер олар 2013 жылғы 31 желтоқсаннан кейін басқа тұлға атына қайта рәсімделген болса.
