كٷندەلٸكتٸ ٶمٸردە ەلەكتر جابدىقتاردىڭ ادام ٶمٸرٸنە كەرٸ ەسەرٸ جايلى اقپاراتتاردى جيٸ ەستيمٸز. تٶرتكٷل دٷنيەنٸڭ تٷيٸتكٸلدٸ مەسەلەسٸ جايىندا سان تٷرلٸ عىلىمي جاڭالىقتار اشىلىپ, زەرتتەۋلەر جٷرگٸزٸلگەن.
بٷگٸن دەل سول زەرتتەۋشٸلەر قاتارىنا سەمەي قالاسىنداعى فيزيكا-ماتەماتيكا باعىتىنداعى نازارباەۆ زيياتكەرلٸك مەكتەبٸنٸڭ وقۋشىسى ەليحان كەلسٸنعازين جەنە استانا قالاسىنداعىفيزيكا-ماتەماتيكا باعىتىنداعى نازارباەۆ زيياتكەرلٸكمەكتەبٸنٸڭ وقۋشىسى ادەل مامۋتوۆا ەنٸپ, عىلىمي ەڭبەكتەرٸ اۆتورلىق قۇقىق قۇجاتىن الدى.
زەرتتەۋشٸلەر عىلىمنىڭ اسا كٷردەلٸ سالاسى – ەلەكتروماگنيتتٸك تولقىنداردىڭ ەمبريوندىق دامۋعا ەسەرٸجايلى تىڭ جاڭالىق اشقان. قاراپايىم "lissachatina fulica" ۇلۋىن زەرتتەۋگە الا وتىرىپ, ولاردىڭ ورگانيزمدەرٸنە ەلەكتروماگنيتتٸك سەۋلەلەردٸڭ ەسەرٸمەن قاتار, گەنەتيكالىق سالدارىن دا قاراستىرعان.
بۇل جوبا بەلسەندٸ ۇزاق ٶمٸر سٷرۋ ساپاسىن جاقسارتۋعا, ەلەكتروماگنيتتٸك تولقىندار مەن ەكوجٷيەنٸڭ كٷردەلٸ ٶزارا ەرەكەتتەسۋٸن تٷسٸنۋدەگٸ ماڭىزدى قادام بولىپ تابىلادى.
جاس عالىمداردىڭ ٸزدەنٸستەرٸنە بيولوگييا عىلىمدارىنىڭ كانديداتى, دوتسەنت, قاۋىمداستىرىلعانپروفەسسور اينۇر قىدىرمولدينا مەن حيمييا پەنٸنٸڭ مۇعالٸمٸ مەرۋەرت قۇدابەكوۆا جەتەكشٸلٸك جاسادى.
سونداي-اق, ەليحان مەن ادەلدٸڭ عىلىمي تۋىندىلارى "دارىن" رەسپۋبليكالىق عىلىمي جوبالار كونكۋرسىنىڭ NIS جەلٸلٸك كەزەڭٸندە كٷمٸس مەدال يەلەنگەن.
سەمەي قالاسىنداعى فيزيكا-ماتەماتيكا باعىتىنداعى
نازارباەۆ زيياتكەرلٸك مەكتەبٸنٸڭ باسپاسٶز قىزمەتٸ
