وڭتۇستىك قازاقستان وبلىسىندا جاريالانعان «زورلىق-زومبىلىقسىز وڭتۇستىك» اكسياسى سارىاعاش اۋدانىندا باستاۋ الدى. ماقساتى وقۋشىلارعا تۇرمىستىق زورلىق-زومبىلىق نەنى بىلدىرەتىنىن ءتۇسىندىرىپ، وتباسىنداعى بالا تاربيەسى تۋرالى كەڭىنەن ناسيحاتتاۋ.



وبلىس اكىمىنىڭ باستاماسىمەن جاريالانعان «زورلىق-زومبىلىقسىز وڭتۇستىك» اكسياسىنا سارىاعاشتىق 600 وقۋشى قاتىستى. اتالعان ءىس- شاراعا اۋىل ارداگەرلەرى، اتا-انالار مەن ب ا ق وكىلدەرى قاتىستى.

وندا اۋىل اقساقالدارى تاربيە – تال بەسىكتەن باستالاتىنىن ايتىپ، ەلدى ىنتىماققا جانە بالانى دۇرىس تاربيلەۋگە شاقىردى. سونىمەن قاتار، ءار مەكتەپ ۇجىمدارىنىڭ ەرىكتى ۇيىرمە مۇشەلەرى «زورلىق-زومبىلىققا جول جوق» ۇرانى نەگىزىندە «اسفالتقا سۋرەت سالۋ»، «ارقان تارتۋ»، «اسىق ويىنى»، «شاحمات» جانە «توعىزقۇمالاق» ويىنى تۇرلەرىنەن ءوزارا سايىسقا ءتۇستى.



وسى كۇنى اتالعان شارا قازىعۇرت اۋدانىندا جالعاسىن تاپتى. وندا وقۋشىلار جاپپاي «قارا جورعا» بيىمەن فلەشموب ۇيىمداستىرسا، اۋىل بالالارىنان قۇرالعان «حور» ۇجىمى ونەر كورسەتىپ، «تير اتۋ»، «ۆولەيبول» جانە جۇلدەلى «قازىعۇرت» بيشىلەر توبىنىڭ وقۋشى قۇرامى كونسەرت قويدى.

ەسكە سالساق، ناۋرىز مەرەكەسى قارساڭىندا ايماق باسشىسى ءوڭىر زيالىلارىمەن كەزدەسىپ، «زورلىق-زومبىلىقسىز – وڭتۇستىك» اكسياسىن باستاۋدى ۇسىنعان بولاتىن. وندا ءوڭىر باسشىسى اكسيا اياسىندا بارشا اۋدان، قالا اكىمدىكتەرىنە زورلىق-زومبىلىقتىڭ، قىلمىس پەن قۇقىقبۇزۋشىلىقتىڭ الدىن الۋ بويىنشا كەشەندى جۇمىستاردى ۇيىمداستىرۋدى تاپسىردى. اعا بۋىن، زيالى قاۋىم وكىلدەرىن دە وسى باستاماعا قولداۋ كورسەتىپ، بەلسەندى جۇمىس ىستەۋگە شاقىرعان دى.

وقو اكىمىنىڭ باسپا ءسوز قىزمەتى

 

https://dalanews.kz/35124