زەينەتاقى جارنالارىنىڭ ءبىر بولىگىن ەڭ تومەنگى جەتكىلىكتىلىك شەگىنەن اساتىن جانە بولاشاقتا ەڭ تومەنگى زەينەتاقى مولشەرىنەن كەم بولمايتىن زەينەتاقى تولەمدەرىن الۋعا مۇمكىندىك بەرەتىن جيناقتى قالىپتاستىرعان سالىمشىلار عانا پايدالانا الادى.
"بۇل رەتتە ازاماتتاردىڭ پايدالانۋى ءۇشىن قولجەتىمدى زەينەتاقى جيناقتارى تەك مىندەتتى زەينەتاقى جارنالارىن جانە مىندەتتى كاسىپتىك زەينەتاقى جارنالارىن عانا ەمەس، سونداي-اق، ولاردى ينۆەستيسيالاۋدان الىنعان ينۆەستيسيالىق تابىستى دا قامتيدى"، – دەيدى قور ماماندارى.
ال "قازاقستان رەسپۋبليكاسىندا زەينەتاقىمەن قامسىزداندىرۋ تۋرالى" زاڭعا سايكەس، "زەينەتاقى جيناقتارىنىڭ ەڭ از جەتكىلىكتىلىكتى شەگى" سالىمشىنىڭ زەينەتاقى جيناقتارىنىڭ ناقتى سوماسىن، سونداي-اق، ونىڭ بولاشاق زەينەتاقى جارنالارى مەن ينۆەستيسيالىق تابىسىن قامتيدى. سونىڭ ارقاسىندا ەڭ تومەن زەينەتاقىدان كەم بولمايتىن زەينەتاقى تولەمدەرىن جاساۋعا بولادى.
"بۇل رەتتە بولاشاق جارنالاردىڭ ەڭ تومەنگى جالاقى مولشەرىنەن تومەن ەمەس تابىستان اۋدارىلاتىنى ەسەپكە الىندى. ەگەر كىرىستەر جوعارى بولسا، وندا ەڭ تومەنگى جەتكىلىكتىلىك شەگى تەزىرەك قالىپتاسادى، ال زەينەتكەرلىككە شىققاننان كەيىنگى تولەمدەر ەڭ تومەنگى زەينەتاقىدان كوپ بولادى"، – دەلىنگەن قوردىڭ رەسمي حابارلاماسىندا.
جەتكىلىكتىلىك شەگىن ەسەپتەۋگە ارنالعان ادىستەمە مەن ولشەمدەر ۇكىمەت قاۋلىسىمەن ايقىندالادى جانە ءاربىر جاس ءۇشىن جەكە ەسەپتەلەدى. 2021 جىلعا ارنالعان زەينەتاقى جيناقتارىنىڭ ەڭ تومەنگى جەتكىلىكتىلىك شەكتەرىنىڭ الدىن الا مولشەرىن مىنا سىلتەمە ارقىلى كورۋگە بولادى.
ءاربىر سالىمشى ءوز جيناقتارىنىڭ جەتكىلىكتىلىك شەگىنە سايكەستىگىن تەكسەرە الادى. بجزق-داعى زەينەتاقى شوتىنان ءۇزىندى كوشىرمەنى enpf.kz سايتىنداعى جەكە كابينەتتەن، بجزق-نىڭ جاڭارتىلعان ۇيالى قوسىمشاسىنان نەمەسە egov.kz پورتالىنان ونلاين رەجىمدە شىعارۋعا مۇمكىندىك بار. ءۇزىندى كوشىرمەدە جەتكىلىكتىلىك شەگى جانە نىسانالى پايدالانۋ ءۇشىن قولجەتىمدى سوما كورسەتىلەدى.
سايتتاعى جەكە كابينەتتە جانە بجزق ۇيالى قوسىمشاسىندا اۆتورلانۋدىڭ ەكى ءتاسىلى قولجەتىمدى. ولار:
- ەلەكتروندى سيفرلىق قولتاڭبانى پايدالانۋ؛
- جسن مەن ءپارولدى ەنگىزۋ.
بجزق دەرەكقورىندا تىركەلگەن ەلەكتروندىق پوشتامەن دە تۇراقتى تۇردە ءۇزىندى كوشىرمە الۋعا بولادى.
"بجزق-داعى جيناقتار تۋرالى اقپاراتقا ىڭعايلى ءارى جىلدام قول جەتكىزۋ ءۇشىن قور Telegram مەسسەندجەرىندە ءوزىنىڭ جەكە بوتىن ىسكە قوستى، ونىڭ كومەگىمەن دە ءۇزىندى كوشىرمە الۋعا بولادى. ءوزىڭىزدىڭ زەينەتاقى جيناقتارىڭىزدى "بجزق" اق وڭىرلىك بولىمشەلەرىنە جەكە باسىڭىزدى كۋالاندىراتىن قۇجاتپەن بارىپ تا تەكسەرە الاسىز"، – دەيدى ماماندار.
ال بجزق بولىمشەلەرى جوق شالعاي اۋدانداردىڭ تۇرعىندارى "قازپوشتا" اق-نىڭ اۆتورلاندىرىلعان بولىمشەلەرىنە جۇگىنىپ، حابارلاۋدىڭ كەز كەلگەن ىڭعايلى ءتاسىلىن تاڭداي الادى. پوشتا بولىمشەلەرىن مىنا جەردەن كورۋگە بولادى.
