زەلەنسكييدٸڭ ۇشاعى اقش-تان ۇشىپ كەتتٸ

ۋكراينا پرەزيدەنتٸ ۆلاديمير زەلەنسكييدٸڭ ۇشاعى اقش-تان ۇشىپ كەتتٸ. مۇنى Flightaware رەسۋرسىنىڭ دەرەكتەرٸ دەلەلدەيدٸ, - دەپ حابارالايدى Dalanews.kz.

جوعارعى رادا دەپۋتاتى ياروسلاۆ جەلەزنياكتٸڭ مەلٸمدەۋٸنشە, پرەزيدەنتتٸك ۇشاق ٷش ساعات بۇرىن اقش اۋماعىنان كەتٸپ, لوندونعا باعىت العان.

"بٷگٸن جاعداي تٷزەلٸپ كەتەدٸ دەپ سەنگەندەر, ولاي ويلاماڭىزدار", - دەدٸ ول.

اق ٷيدەگٸ داۋ

ۋكراينا پرەزيدەنتٸ ۆلاديمير زەلەنسكيي, امەريكا پرەزيدەنتٸ دونالد ترامپ جەنە اقش ۆيتسە-پرەزيدەنتٸ دجەي دي ۆەنس اراسىنداعى اق ٷيدەگٸ كەزدەسۋدە قىزۋ داۋ تۋدى.

ۆلاديمير زەلەنسكيي رەسەي پرەزيدەنتٸ ۆلاديمير پۋتين كەلٸسسٶز جٷرگٸزۋدە دەرمەنسٸزدٸك كٶرسەتكەنٸن ايتىپ, 2014 جىلدان بەرٸ ونىڭ ەرەكەتٸنە ەشكٸم توقتاۋ بولا الماعانىن ەسكە سالدى.

"ادامداردى قىردى. ونى ەشكٸم توقتاتقان جوق. ارامىزدا كٶپ ەڭگٸمە بولدى. مەن اتىستى توقتاتۋ تۋرالى كەلٸسٸمگە قول قويدىم, بەرٸ ەرٸ قاراي ەشكٸم جالعاستىرمايتىنىنا سەندٸردٸ... مۇندا قانداي ديپلوماتييا كٶمەكتەسەدٸ?" - دەدٸ ول.

اقش ۆيتسە-پرەزيدەنتٸ دجەي دي ۆەنس مايداندا ۋكراينادا ەر ادامدار جەتٸسپەيتٸنٸن ايتتى. زەلەنسكيي بۇعان جاۋاپ رەتٸندە ونىڭ ۋكراينادا بولماعانىن جەنە سوعىس كەزٸندە بارلىق ەلدە, تٸپتٸ اقش-تا دا وسىنداي پروبلەمالار بولاتىنىن ايتتى. بۇعان ترامپ ارالاسىپ, زەلەنسكيي "مۇنى بٸلە المايتىنىن" مەلٸمدەگەن.

"بٸزگە نە سەزەتٸنٸمٸزدٸ ايتپاڭىز. بٸز سٸزدەردٸڭ مەسەلەلەرٸڭٸزدٸ شەشۋگە تىرىسىپ جاتىرمىز. ٶز پوزيتسيياڭىزدى تاڭۋدىڭ قاجەتٸ جوق. بٸزگە بۇيىرۋعا قاقىڭىز جوق", - دەدٸ ترامپ.

ترامپ زەلەنسكيي اقش-قا ريزاشىلىق بٸلدٸرۋٸ كەرەك ەكەنٸن جەتكٸزدٸ, ٶيتكەنٸ ونىڭ سٶزٸنشە, ۋكراينانىڭ قولىندا ۆاشينگتونعا ٶز شارتتارىن ايتاتىنداي "دۇرىس كارتالار جوق". بۇعان جاۋاپ رەتٸندە ۋكراينا پرەزيدەنتٸ امەريكا قۇراما شتاتتارىنا "كارتا ويناۋعا كەلمەگەنٸن" مەلٸمدەدٸ.

بۇل ودان ەرٸ داۋ تۋدىرعان. ترامپ زەلەنسكييدٸ امەريكانى قۇرمەتتەمەدٸ دەپ ايىپتاپ, كيەۆتٸڭ جاعدايى اۋىر ەكەنٸن جەنە رەسەيمەن سوعىستا سەتسٸزدٸككە ۇشىراعانىن جەتكٸزدٸ. ونىڭ ايتۋىنشا, زەلەنسكيي ميلليونداعان ادامنىڭ ٶمٸرٸنە قاۋٸپ تٶندٸرٸپ, ٷشٸنشٸ دٷنيەجٷزٸلٸك سوعىس باستالۋىنا سەبەپ بولۋى مٷمكٸن. زەلەنسكيي اتىستى توقتاتۋعا ەلٸ دايىن ەمەس ەكەنٸن مەلٸمدەگەن كەزدە ترامپ ۋكراينادا ساربازدار تاۋسىلىپ جاتقانىن باسا ايتقان.

"نە مەمٸلە جاسايسىزدار, نە بٸز كەتەمٸز. ال بٸز كەتسەك, سٸزدەر كٷرەستٸ سوڭىنا دەيٸن جەتكٸزەسٸزدەر. مەنٸڭ ويىمشا, بۇل جاقسى بولمايدى", - دەدٸ ترامپ.

زەلەنسكييدٸڭ اقش-قا ساپارى

2025 جىلى 28 اقپاندا ۋكراينا پرەزيدەنتٸ ۆلاديمير زەلەنسكيي اقش-قا رەسمي ساپارمەن باردى. ونىڭ ۇشاعى Joint Base Andrews ەۋە بازاسىنا قوندى. ۆلاديمير زەلەنسكيي اقش پرەزيدەنتٸ دونالد ترامپپەن كەزدەسٸپ, كەزدەسۋ بارىسىندا ەكٸ ەلدٸڭ باسشىلارى سيرەك كەزدەسەتٸن مەتالدار تۋرالى كەلٸسٸمگە قول قويادى دەپ كٷتٸلدٸ.

ال اقش پرەزيدەنتٸ دونالد ترامپ بۇعان دەيٸن ۋكراينا پرەزيدەنتٸ ۆلاديمير زەلەنسكيي اق ٷيگە 28 اقپاندا اقش-قا ۋكراينانىڭ تابيعي رەسۋرستارىنا قۇقىق بەرەتٸن كەلٸسٸمگە قول قويۋ ٷشٸن كەلەتٸنٸن ايتتى.