قارجىلىق مونيتورينگ اگەنتتىگى قاراعاندىدا زاڭسىز ويىن بيزنەسىن ۇيىمداستىرۋ دەرەگىنىڭ جولىن كەستى، - دەپ حابارلايدى Dalanews.kz.
تەرگەۋ بارىسىندا كۇدىكتىنىڭ "پوكەر" قۇمار ويىنىن وتكىزۋ ءۇشىن جەرگىلىكتى مەيرامحانادا ءۇي-جايدى جالعا العانى، ارنايى ويىن ۇستەلدەرىن ورناتقانى، ويىن فيشكالارى مەن كارتالارىن ساتىپ العانى انىقتالدى. بانك شوتىنا تۇسكەن قاراجاتتاردىڭ جالپى سوماسى 32 ميلليون تەڭگەدەن اسقان.
سوت ۇكىمى بويىنشا، اتالعان ازامات كىنالى دەپ تانىلىپ، وعان 3 جىل 6 ايعا باس بوستاندىعىنان شارتتى تۇردە ايىرۋ جازاسى تاعايىندالدى.
قاراعاندىدا زاڭسىز ويىن بيزنەسىن ۇيىمداستىرىپ، 32 ميلليون تەڭگە تاپقان كۇدىكتى سوتتالدى
