قازاقستاندا بالالاردى بٸرٸنشٸ سىنىپقا قابىلداۋ جالعاسۋدا. جاڭا وقۋ جىلىندا 380 مىڭنان استام بالا مەكتەپ تابالدىرىعىن اتتايدى دەپ كٷتٸلۋدە. بٷگٸندە بولجانعان بالا سانىنىڭ 320 مىڭعا جۋىعى, ياعني شامامەن 84%-ى مەكتەپتەرگە قابىلداندى, دەپ حابارلايدى dalanews.kz.
قابىلدانعان بالالاردىڭ 296 مىڭعا جۋىعى مەملەكەتتٸك, 23 مىڭعا جۋىعى جەكەمەنشٸك مەكتەپتەردە بٸلٸم الادى. قالالىق مەكتەپتەرگە 191 مىڭعا جۋىق, اۋىلدىق مەكتەپتەرگە 128 مىڭعا جۋىق بالا قابىلداندى. سونداي-اق بٸلٸم بەرۋ ۇيىمدارىنا ەرەكشە بٸلٸم بەرۋ قاجەتتٸلٸكتەرٸ بار 4 مىڭعا جۋىق بالا قابىلداندى.
بولاشاق بٸرٸنشٸ سىنىپ وقۋشىلارىنىڭ 71%-دان استامى قازاق تٸلٸندە, 26%-دان استامى ورىس تٸلٸندە, تاعى 2,5%-عا جۋىعى باسقا تٸلدەردە بٸلٸم بەرەتٸن سىنىپتاردى تاڭداعان. سونىمەن قاتار ٶزگە ۇلت ٶكٸلدەرٸنٸڭ 2 مىڭنان استام بالاسى قازاق تٸلٸندە بٸلٸم بەرەتٸن سىنىپتارعا قابىلداندى. بۇل اتا-انالاردىڭ بالالارىن قازاق تٸلٸندە وقىتۋعا دەگەن قىزىعۋشىلىعىنىڭ ارتىپ كەلە جاتقانىن كٶرسەتەدٸ.
قۇجاتتاردى قابىلداۋ وقۋ-اعارتۋ مينيسترلٸگٸ مەن جاساندى ينتەللەكت جەنە تسيفرلىق دامۋ مينيسترلٸگٸنٸڭ بٸرلەسكەن بۇيرىعى نەگٸزٸندە پيلوتتىق جوبا اياسىندا جٷرگٸزٸلۋدە. ٶتٸنٸشتەر 2026 جىلعى 27 مامىر مەن 31 تامىز ارالىعىندا بەكٸتٸلگەن كەستەگە سەيكەس كەزەڭ-كەزەڭٸمەن قابىلدانادى.
ٶتٸنٸشتەردٸڭ 84%-عا جۋىعىن اتا-انالار ەلەكتروندىق فورماتتا بەرگەن. قۇجاتتاردى eGov.kz ەلەكتروندىق ٷكٸمەت پورتالى نەمەسە eGov Mobile موبيلدٸ قوسىمشاسى ارقىلى, سونداي-اق تاڭدالعان مەكتەپكە تٸكەلەي تاپسىرۋعا بولادى.
بٸرٸنشٸ سىنىپ وقۋشىلارىنىڭ ەڭ كٶپ سانى تٷركٸستان وبلىسىندا - 50 مىڭنان استام, الماتى وبلىسىندا - 35 مىڭنان استام, استانادا - 33 مىڭ, الماتىدا - 31 مىڭنان استام جەنە شىمكەنتتە - 29 مىڭنان استام بولادى دەپ كٷتٸلۋدە. بۇل وسى ٶڭٸرلەردەگٸ حالىق سانىنىڭ كٶپتٸگٸمەن جەنە تۋۋ دەڭگەيٸنٸڭ جوعارى بولۋىمەن بايلانىستى.
ەسكە سالايىق, بۇعان دەيٸن دەنساۋلىق ساقتاۋ مينيسترلٸگٸ مەكتەپ سٶمكەسٸن قالاي تاڭداۋ كەرەگٸن تٷسٸندٸرگەن بولاتىن.
