استانانىڭ سارىارقا اۋدانىندا «انتيۆاندال» اكتسيياسى ٶتتٸ. ٸس-شارا «زاڭ مەن تەرتٸپ» قاعيداتى اياسىندا ۇيىمداستىرىلدى, دەپ حابارلايدى dalanews.kz.
اكتسييانى «استانا جاستارى» جاستار رەسۋرستىق ورتالىعى سارىارقا اۋدانى ەكٸمدٸگٸمەن بٸرلەسٸپ ۇيىمداستىردى. ەرٸكتٸلەر مۇحتار ەۋەزوۆ كٶشەسٸندەگٸ سكەيت-پارك ماڭىندا رۇقساتسىز سالىنعان گراففيتي مەن جازۋلاردى بوياپ, اۋماقتى رەتكە كەلتٸرۋگە اتسالىستى.
ورتالىقتىڭ قۇقىق بۇزۋشىلىقتىڭ الدىن الۋ بٶلٸمٸنٸڭ باسشىسى دەۋٸرجان جۇماحاننىڭ ايتۋىنشا, مۇنداي اكتسييالار 2024 جىلدان بەرٸ ٶتكٸزٸلٸپ كەلەدٸ. بيىل ورتالىق 357 اكتسييا ۇيىمداستىرعان.
«جٷرگٸزگەن مونيتورينگٸمٸز بويىنشا قالاداعى گراففيتيلەردٸڭ شامامەن 70 پايىزى سارىارقا اۋدانىندا تٸركەلگەن. سوندىقتان بۇل جولى وسى اۋداندى تاڭدادىق. قالامىزدىڭ كٶرٸكتٸ بولعانىن قالايمىز جەنە قوعامدىق ورىندارعا زييان كەلتٸرۋگە قارسىمىز», – دەدٸ ول.
اكتسيياعا قاتىسقان ەرٸكتٸ داريا ولەينيكوۆا ايالدامالارداعى, عيمارات قابىرعالارى مەن ورىندىقتارداعى جازۋلار قالانىڭ كەلبەتٸن بۇزاتىنىن ايتتى.
«مۇنداي اكتسييالارعا قۋانا قاتىسامىن. قالا تازارىپ, كٶركەيە تٷسەدٸ. جاستاردىڭ دا ورتاق ٸسكە بەلسەندٸ ارالاسقانى جاقسى», – دەدٸ ەرٸكتٸ.
اكتسييا قالا تازالىعىن ساقتاۋعا, قوعامدىق مٷلٸككە جاۋاپكەرشٸلٸكپەن قاراۋعا جەنە جاستاردى پايدالى ٸسكە تارتۋعا باعىتتالعان.
