Astananyń Saryarqa aýdanynda «Antivandal» aktsiiasy ótti. Is-shara «Zań men tártip» qaǵidaty aiasynda uiymdastyryldy, dep habarlaidy dalanews.kz.
Aktsiiany «Astana jastary» jastar resýrstyq ortalyǵy Saryarqa aýdany ákimdigimen birlesip uiymdastyrdy. Eriktiler Muhtar Áýezov kóshesindegi skeit-park mańynda ruqsatsyz salynǵan graffiti men jazýlardy boiap, aýmaqty retke keltirýge atsalysty.
Ortalyqtyń quqyq buzýshylyqtyń aldyn alý bóliminiń basshysy Dáýirjan Jumahannyń aitýynsha, mundai aktsiialar 2024 jyldan beri ótkizilip keledi. Biyl ortalyq 357 aktsiia uiymdastyrǵan.
«Júrgizgen monitoringimiz boiynsha qaladaǵy graffitilerdiń shamamen 70 paiyzy Saryarqa aýdanynda tirkelgen. Sondyqtan bul joly osy aýdandy tańdadyq. Qalamyzdyń kórikti bolǵanyn qalaimyz jáne qoǵamdyq oryndarǵa ziian keltirýge qarsymyz», – dedi ol.
Aktsiiaǵa qatysqan erikti Daria Oleinikova aialdamalardaǵy, ǵimarat qabyrǵalary men oryndyqtardaǵy jazýlar qalanyń kelbetin buzatynyn aitty.
«Mundai aktsiialarǵa qýana qatysamyn. Qala tazaryp, kórkeie túsedi. Jastardyń da ortaq iske belsendi aralasqany jaqsy», – dedi erikti.
Aktsiia qala tazalyǵyn saqtaýǵa, qoǵamdyq múlikke jaýapkershilikpen qaraýǵa jáne jastardy paidaly iske tartýǵa baǵyttalǵan.
