ەلوردادا Winox فيتنەس كلۋبىنىڭ ۇيىمداستىرۋىمەن اۋەسقويلار اراسىنداعى كەشكى جۇگىرىس ۇيىمداستىرىلدى،- دەپ حابارلايدى Dalanews.kz

كەشكى ۋاقىتتا وتكىزىلگەن ءىس-شارانىڭ باستى ەرەكشەلىگى - قاتىسۋشىلار قولدارىنا ارنايى جارقىرايتىن نەون براسلەتىمەن جۇگىردى. Sana Sport كەشەنىنىڭ ماڭىنداعى سپورتتىق جارىستا ەرەسەكتەر 2،5 جانە 5 شاقىرىم قاشىقتىققا جۇگىرسە، 7-16 جاس ارالىعىنداعى بالالار 500، 1000 مەتر قاشىقتىقتىقتا جۇلدەگە تالاستى.

«جۇگىرىسىمىز «زاڭ جانە ءتارتىپ. «استانا - ەسىرتكىسىز قالا» تاقىرىبىنا ارنالدى. ەسىرتكىگە قارسى كۇرەس - ورتاق مىندەتىمىز. ال سپورت پەن بەلسەندى ءومىر سالتى - ونىڭ ەڭ ءتيىمدى جولدارىنىڭ ءبىرى. كلۋب وكىلدەرى مۇنداي باستامالاردى ءجيى ۇيىمداستىرىپ، جاستار مەن ەرەسەكتەردى جارىستارعا تارتىپ كەلەدى. بۇگىن شارامىزدىڭ Sana Sport كەشەنىنىڭ ماڭىندا وتكىزىلۋى تەگىن ەمەس. سەبەبى، بۇل ورىن جاقىندا قايتا جاڭعىرتىلدى. جاسىل جەلەككە تولى، كەڭ ءارى زاماناۋي سپورت ينفراقۇرىلىمىمەن جابدىقتالعان ساياباقتا قاتىسۋشىلار كەرەمەت ەموسيا الدى دەگەن سەنىمدەمىز»، - دەدى Winox فيتنەس كلۋبىنىڭ ديرەكتورى يۋليا كاچەلايەۆا.

جۇگىرىس سپورتتى دارىپتەپ قانا قويماي، قوعامنىڭ وزەكتى ماسەلەلەرىنە نازار اۋدارۋدىڭ دا ءتيىمدى جولى ەكەنى تاعى ءبىر مارتە دالەلدەندى.

5 شاقىرىم. ەرلەر

1-ورىن. باعدات امەن
2-ورىن. دارحان حالياروۆ
3-ورىن. باعدات تاپايەۆ

5 شاقىرىم. ايەلدەر

1-ورىن. ديانا الييەۆا
2-ورىن. ءمولدىر اكىموۆا
3-ورىن. دينارا كۋلۋمبەتوۆا

2،5 شاقىرىم. ەرلەر

1-ورىن. دانيار جاكەتوۆ
2-ورىن. دارحان سۋلۋيەۆ
3-ورىن. سۇڭعات ساعدولدانوۆ

2،5 شاقىرىم. ايەلدەر

1-ورىن. ماييا ءابىلوۆا

ءىس-شارا سوڭىندا جارىسقا جينالعان 50-گە جۋىق اۋەسقوي سپورتشى ارنايى ەستەلىك مەدالدارعا يە بولدى.