قازاقستان رەسپۋبليكاسى سىرتقى ىستەر مينيسترلىگى قۇزىرلى مەملەكەتتىك ورگاندارمەن بىرلەسىپ، تاياۋ شىعىستان ازاماتتارىمىزدى قايتارۋ جۇمىستارىن جالعاستىرۋدا، دەپ حابارلايدى Dalanews.kz.
ەۆاكۋاسيا باستالعالى بەرى رەزيدەنت جانە رەزيدەنت ەمەس اۋە كومپانيالارىنىڭ قولداۋىمەن 4700-دەن استام قازاقستاندىق ەلگە ورالدى.
اۋە رەيستەرىمەن قاتار، ازاماتتاردى شىعارۋ جەرۇستى جولدارى ارقىلى دا جۇزەگە اسىرىلۋدا. 6 ناۋرىزدا ق ر شەتەلدەگى مەكەمەلەرى «زاركۋح» كومپانياسىنىڭ 7 قىزمەتكەرى – ق ر ازاماتتارىنىڭ يران-ارمەنيا شەكاراسىنا شىعۋىن ۇيىمداستىردى. الدىن الا اقپاراتقا سايكەس، «زاركۋح» كومپانياسى قالعان 16 قازاقستاندىقتى دا وسى باعىت بويىنشا ەۆاكۋاسيالاۋدى جوسپارلاپ وتىر. جالپى يراننان بۇگىنگە دەيىن 66 قازاقستان ازاماتى ەلگە قايتارىلدى.
