ءمينيستردىڭ مالىمدەۋىنشە، اسكەري حۋنتانى ۇيىمداستىرۋعا قاتىستى بار دەگەن كۇدىكتىلەرگە قارسى وپەراسيا ءساتتى اياقتالعان. دەگەنمەن ميەۆليۋت شاۆۋشوعلى قاندايدا ءبىر اسكەري تۇلعانىڭ ءاتى-جونىن اتاماعانىن ايتا كەتۋىمىز كەرەك.
ال تۇركيانىڭ قورعانىس ءمينيسترى فيكري ىشىق ينجيرليك اۋە بازاسىنا قاتىستى اسكەري باعىتتا ءبىرقاتار «قاۋىپسىزدىك شارالارى» قابىلدانعانىن حابارلادى.
اسكەري توڭكەرىس كەزىندە ينجيرليك اۋە بازاسىنا ۇشاقتاردىڭ ۇشىپ شىعۋىنا جانە قونۋىنا قاتاڭ تۇردە تىيىم سالىنعان بولاتىن.
ال اقش-تىڭ تۇركياداعى كونسۋلدىڭ جەرگىلىكتى بيلىك ورىندارى اسكەري اۋە بازاسىنداعى جاعدايدى تولىق باقىلاۋعا الىپ، اسكەري نىسانعا قۋات كوزىن بەرۋدى توقتاتقانىن حابارلاعان ەدى. سول سەبەپتى ديپلوماتتار اقش ازاماتتارىنا اسكەري اۋە بازاسىنداعى جاعداي قالىپقا كەلگەنشە تۇرعىلىقتى جەرلەرىندە قالۋعا كەڭەس بەرگەن-دى.
ينجيرليك ناتو-نىڭ تۇركياداعى ەڭ ءىرى اسكەر بازاسى. مۇندا اليانستىڭ يادرولىق زارياد يە وقتۇمسىقتارى ساقتالعان. اسكەري نىساندا اقش پەن ەۋروپا ەلدەردىنىڭ اسكەري كۇشتەرى ورنالاسقانىن ايتا كەتۋىمىز كەرەك. ولار سيرياداعى «يسلام مەملەكەتى» لاڭكەستىك ۇيىمىنا قارسى اسكەري وپەراسيا جۇرگىزىپ كەلەدى.
