ارتىق كەتسەم اللا ٶزٸ كەشٸرەر...
«مەن بۇل سٶزدەردٸ اشۋ-ىزا ٷستٸندە جازىپ وتىرمىن, ارتىق كەتسەم اللا تاعالا ٶزٸ كەشٸرەر. اقيقاتىن ايتار بولسام, بۇل جازبا ٷكٸمەت باسشىسىنىڭ ورىنباسارى يمانعالي تاسماعامبەتوۆتىڭ دەرگەيٸنە جەتەر مە ەكەن دەگەن دەمەمەن جازىلۋدا. ٶزٸ وقىماسا دا شىلاۋىندا جٷرگەن ەرٸپتەسٸمٸز جٷنٸسبەك سۇلتانمۇراتوۆتىڭ كٶزٸنە شالىنارىنا كٷمەن جوق. ايتىس اقىندارى مەن جىرشى-تەرمەشٸلەر حالىقارالىق وداعىنىڭ باسقارما تٶراعاسى رەتٸندە داۋسىمدى شىعارىپ, تۇياق سەرٸپپەسكە ەددٸم جوق.
ي. تاسماعامبەتوۆ الماتىنىڭ ەكٸمٸ بولىپ تۇرعان كەزٸندە بٸر رەت ايتىسقا كەلگەن اقىنداردى قابىلداپ, د. قوناەۆتىڭ اس ٸشكەن بٶلمەسٸندە ايتىسكەرلەرگە شاي بەرٸپ قۇرمەت كٶرسەتكەن. ودان باسقا, بٸز ايتىستى پاريجگە اپارامىز دەگەندە ارنايى ۇشاقتى 3-4 كٷنگە جالداپ ەپەرگەن مەرتتٸگٸن دە ۇمىتقان جوقپىز, الاش بالاسىنا اڭىزداي جىرلاپ ايتۋمەن كەلەمٸز. سول قامقورشىمىز بىلتىر ٷكٸمەتكە ورىنباسار بولىپ كەلگەندە ەندٸ ايتىستىڭ ايى وڭىنان تۋار دەپ بٶركٸمٸزدٸ اسپانعا اتىپ قۋاندىق. سول بٶركٸمٸز ەلٸ جەرگە تٷسكەن جوق, ال قۋانىشىمىز جەلگە ۇشىپ كەتتٸ..."
...مۇنىڭ سەبەبٸ بار
بٸرٸنشٸدەن, يۋنەسكو-نىڭ ماتەريالدىق ەمەس مۇرالار تٸزٸمٸنە ەنگەن اتامۇرا ٶنەرٸمٸزدٸڭ xالىقارالىق سەرتيفيكاتى استاناعا كەلگەندە سونىڭ تاپسىرىلۋ سالتاناتىنان رەسمي وداعىمىز تىسقارى قالدى. وداعىمىز جوق سيياقتى, قولايسىز ەكەن.
ەكٸنشٸدەن, ٸلە-شالا تەۋەلسٸزدٸكتٸڭ 25 جىلدىعىنا وراي 25 مىڭ ادامعا سٶلكەباي تاراتىلىپ جاتقاندا بٸر دە بٸر ايتىسكەرگە رەسمي قۇرمەت كٶرسەتٸلمەدٸ. جىلداعى جاعداي تاعى قايتالاندى. وداق جىل سايىن قانشا ۇسىنىس جاساپ جاتسا دا تەۋەلسٸزدٸكتٸ جىرلاۋمەن تاڭدايى توزىپ كەلە جاتقان بٸر ايتىسكەر اقىنعا نە وردەن, نە مەدال نە قۇرمەتتٸ اتاق بۇيىرمايدى. جىلدا وسى. نە پرەزيدەنتتٸڭ, نە مەملەكەتتٸڭ ستيپەنديياسى تيمەيدٸ. تىم بولماسا مەدەنيەت مينيسترلٸگٸنٸڭ «مەدەنيەت سالاسىنىڭ ٷزدٸگٸ» دەگەن تٶسبەلگٸسٸنە تەڭ كٶرمەيتٸندەي بۇل سورلى ايتىسكەرلەر كٸمنەن كەم ەدٸ? الاش بالاسىنىڭ ازاتتىقتى اڭساعان ارمانىن اسقاق جىرعا ارقاۋ ەتٸپ, رۋxىمىزدى كٶتەرگەن, ەلدٸ رۋxاني تەۋەلسٸزدٸككە تەربيەلەگەن, ەل تەۋەلسٸزدٸگٸنٸڭ سالتاناتىن تالماي جىرلاپ كەلە جاتقان اتامۇرا ٶنەردٸڭ مۇراگەرلەرٸن توي ٷستٸندە ارقادان قاعا سالسا قايتەدٸ? سونشا كەشپەيتٸندەي نە ايتىلىپ ەدٸ?
بۇل نە مازاق?
ٷشٸنشٸدەن, ىزامىزدى شاراسىنان شىعارعان سوڭعى وقيعا. ايتىسقا قول سوزعان بٸرەۋدٸڭ اتىن اتاپ قالساق سوعان كەسٸرٸم تيە مە دەپ قورقاتىن بولدىق. 3-4 جەلتوقساندا ٶتكەن «التىن دومبىرا» ايتىسىنا ەش تەلەارنا ىقىلاس تانىتپاعان سوڭ الماتى قالاسى ەكٸمٸنٸڭ ورىنباسارى ارمان قىرىقباەۆ «ەۋرازييا» تەلەارناسىنىڭ باسشىسىنا جالىنعانداي بولىپ تٷسٸرتٸپ الىپ ەدٸ. 31 جەلتوسان – 1, 2 قاڭتاردا كٶرسەتەمٸز دەپ جارنامالانعان سول ايتىستىڭ ورنىنا قايداعى بٸر ەلەكەي-شٷلەكەي شاتپاق كٶرسەتٸلٸپ جاتقانىنا ٷش كٷن بولدى. بۇل نە مازاق?
يۋنەسكو-نىڭ قاراماعىنا الىنىپ xالىقارالىق زاڭنامالارمەن قورعالاتىن ايتىسىمىز وسى ما? تٸپتٸ, دەل وسى ايتىستا ەلباسى ن. ە. نازارباەۆتىڭ تەۋەلسٸزدٸككە سٸڭٸرگەن ەڭبەگٸن اسقاقتاتا جىرلاعاننان بٶتەن سٶز جوق ەدٸ عوي! ەلدە بۇل باعىتىمىز دا بٸرەۋلەرگە جاقپايتىن بولعانى ما? ايتىستى قاناتىنىڭ استىنا العان «نۇر وتاننان» دا ىقپالدى كٷشتەر بار ما? وندا ايتىستى ٶز قارجىلارىنا ٶتكٸزٸپ جەرگٸلٸكتٸ تەلەارنا ارقىلى كٶرسەتٸپ ەلباسىنىڭ ساياساتىن تاباندىلىقپەن جٷرگٸزٸپ كەلە جاتقان قىرىمبەك كٶشەرباەۆ, بەردٸبەك ساپارباەۆ, باقتىقوجا ٸزمۇxامبەتوۆ, نۇرلان نوعاەۆ جەنە باۋىرجان بايبەك سيياقتى ازاماتتارعا «حالىق قاھارمانى» اتاعىن بەرۋ كەرەك قوي.
وسى ارىز-مۇڭىمىزدى يمانعالي تاسماعامبەتوۆكە ايتپاعاندا كٸمگە ايتامىز?! قازاقتا ەستٸر بٸر قۇلاق قالدى ما?! كەيدە ەكٸ قولىمدى تٶبەمە قويىپ, 150 ايتىسكەردٸ سوڭىما ەرتٸپ, باسقا, بٶتەن بٸر ەلگە جەر اۋىپ كەتكٸم كەلەدٸ».
