يم اسكەرى بىلتىر سيريانىڭ موسۋل قالاسىن الىپ، تاياۋ شىعىس ايماعىندا ەڭ ءقاۋىپتى كۇشكە اينالدى. جەتىلگەن سوعىس امالدارى، اسكەرى مەن قاۋىپتىلىگى، بەيبىت حالىققا جاساعان زۇلىمدىعى  جاعىنان «ءال-قايدادان» وزىپ شىققان، ەڭ باي تەررورلىق ۇيىم بولدى.

تەررورلىق ۇيىمنىڭ پايدا بولعانىنا بيىل ءبىر جىل تولادى. يم قازىرگى تاڭدا يراكتىڭ ۇشتەن ءبىرىن، سيريانىڭ جارتىسىن جاۋلاپ ۇلگەردى. يم توبىنىڭ مۇنشالىقتى ۇلكەن كۇشكە يە بولۋىنىڭ ءبىرقاتار فاكتورى دا بار. سونىڭ ىشىندە، ءبىرىنشى كەزەكتە اقپارات جەتكىزۋدە عالامتور مەن الەۋمەتتىك جەلىنى كەڭىنەن پايدالانۋىن ايتۋعا بولادى. عالامتوردا وزدەرىنىڭ سوعىستاعى ۆيدەولارى مەن جيھادقا شاقىرعان اسەرلى ۋاعىزدارى ارقىلى، الەمدەگى جاستاردى سيريا جەرىندە، «كاپىرلەرگە» قارسى سوعىسۋعا شاقىرۋدا. الەۋمەتتىك جەلىدە سيرياعا كەلۋ جولدارىن ۇيرەتەدى. مامىردىڭ 23ء-ى كۇنى، يم- ءنىڭ جەكە «Dabiq» اتتى جۋرنالىندا ەلدى شوشىتاتىن ماقالا جاريالاندى. ماقالادا يم- ءنىڭ بانكتەردەگى ەسەپ شوتتارىندا ميللياردتاعان دوللارى بار ەكەنى، قالاسا الەمدىك كونتراباندالىق قارۋ ساتۋشىلار ارقىلى، ءبىر جىل ىشىندە پاكىستانداعى يادرولىق قارۋدى ساتىپ الا الاتىنىن مالىمدەگەن. بۇعان دالەل رەتىندە ءبىر جىل بۇرىنعى يM- ءنىڭ جاعدايىن قازىرگىمەن سالىستىرىپ كورۋ جەتكىلىكتى ەكەنى ايتىلادى. مالىمدەمەگە ويلانىپ قاراساق، ءدال سونداي زالال كەلتىرەتىن، مىڭداعان توننا اممونيۋم نيترات جارىلعىشىن جاساۋعا كۇشتەرى جەتەتىنىن كورۋگە بولادى. شيكى مۇناي ساتۋ، تۇتقىنداعى ادام ساۋداسى ارقىلى ءبىر جىل ىشىندە شىنىمەن دە ۇلكەن كۇشكە اينالىپ ۇلگەردى. سونداي- اق، ماقالادا باتىس ەلدەرىنە جاقىن ۋاقىتتاردا توسىن  شابۋىل جاساۋعا ويلانۋ ۇستىندە ەكەنى، ءيم-نىڭ بولاشاق جوسپارلارى تۋرالى ايتىلادى.

نازار تۇرىقبا ۇلى

The independent باسىلىمى