Terrorlyq uiymnyń paida bolǵanyna biyl bir jyl tolady. IM qazirgi tańda Iraktyń úshten birin, Siriianyń jartysyn jaýlap úlgerdi. IM tobynyń munshalyqty úlken kúshke ie bolýynyń birqatar faktory da bar. Sonyń ishinde, birinshi kezekte aqparat jetkizýde ǵalamtor men áleýmettik jelini keńinen paidalanýyn aitýǵa bolady. Ǵalamtorda ózderiniń soǵystaǵy videolary men jihadqa shaqyrǵan áserli ýaǵyzdary arqyly, álemdegi jastardy Siriia jerinde, «kápirlerge» qarsy soǵysýǵa shaqyrýda. Áleýmettik jelide Siriiaǵa kelý joldaryn úiretedi. Mamyrdyń 23-i kúni, IM- niń jeke «Dabiq» atty jýrnalynda eldi shoshytatyn maqala jariialandy. Maqalada IM- niń bankterdegi esep shottarynda milliardtaǵan dollary bar ekeni, qalasa álemdik kontrabandalyq qarý satýshylar arqyly, bir jyl ishinde Pákistandaǵy iadrolyq qarýdy satyp ala alatynyn málimdegen. Buǵan dálel retinde bir jyl burynǵy IM- niń jaǵdaiyn qazirgimen salystyryp kórý jetkilikti ekeni aitylady. Málimdemege oilanyp qarasaq, dál sondai zalal keltiretin, myńdaǵan tonna ammoniým nitrat jarylǵyshyn jasaýǵa kúshteri jetetinin kórýge bolady. Shiki munai satý, tutqyndaǵy adam saýdasy arqyly bir jyl ishinde shynymen de úlken kúshke ainalyp úlgerdi. Sondai- aq, maqalada batys elderine jaqyn ýaqyttarda tosyn shabýyl jasaýǵa oilaný ústinde ekeni, IM-niń bolashaq josparlary týraly aitylady.
Nazar Turyqbauly
The independent basylymy
