استانادا حالىقارالىق JCI اككرەديتاتسيياسى بار 9 قازاقستاندىق كلينيكانىڭ 7-ەۋٸ ورنالاسقان. بۇل قالانى ەلدەگٸ ساپالى مەديتسينانىڭ ەڭ ٸرٸ ورتالىعى بولۋىنا مٷمكٸندٸك بەرەدٸ. 2024 جىلى ەلورداعا 4 500 مەديتسينالىق تۋريست كەلدٸ, بۇل 2023 جىلمەن سالىستىرعاندا ەكٸ ەسە كٶپ, دەپ حابارلايدى Dalanews.kz ەلوردا ەكٸمدٸگٸنٸڭ رەسمي سايتىنا سٸلتەمە جاساپ.
بٷگٸندە استانا – زاماناۋي ينفراقۇرىلىمى, وزىق تەحنولوگييالارى, بٸلٸكتٸ ماماندارى جەنە قولجەتٸمدٸ باعالارى بار قالا. بۇل فاكتورلار ەلوردانى تمد, ازييا, ەۋروپا جەنە تاياۋ شىعىس ەلدەرٸنٸڭ پاتسيەنتتەرٸ ٷشٸن تارتىمدى ەتەدٸ. استانا جوعارى تەحنولوگييالارى, حالىقارالىق ستاندارتتارى جەنە قولايلى باعاسى ٷشٸن قىزىقتى ەتە تٷسەدٸ. بٸرقاتار باعىت بويىنشا باعالار ەۋروپا, وڭتٷستٸك كورەيا نەمەسە تٷركييا ەلدەرٸمەن سالىستىرعاندا ەلدەقايدا تٶمەن, بٸراق قىزمەت ساپاسى سەيكەس دەڭگەيدە. شەتەلدٸك پاتسيەنتتەر ٷشٸن استانادا ورتاشا ەمدەلۋ قۇنى 2-5 مىڭ اقش دوللارىن قۇرايدى, بۇل ونى ٶڭٸردەگٸ ەڭ بەسەكەگە قابٸلەتتٸ مەديتسينالىق دەستيناتسييالاردىڭ بٸرٸنە اينالدىرادى.
استانا – JCI اككرەديتتەلگەن كلينيكالار سانى بويىنشا قازاقستانداعى كٶشباسشى قالا. بۇل پاتسيەنتتەردٸڭ قاۋٸپسٸزدٸگٸن, ەمدەۋ حاتتامالارىنىڭ ستاندارتتالۋىن, پەرسونالعا قويىلاتىن جوعارى تالاپتاردى جەنە رەسٸمدەردٸڭ ساپاسىن قامتاماسىز ەتەدٸ.
استانا – ورتالىق ازيياداعى ٸرٸ اۆياتسييالىق حاب. تٸكەلەي رەيستەردٸڭ بولۋى جەنە دامىعان ينفراقۇرىلىم شەتەلدەن كەلەتٸن پاتسيەنتتەرگە جولدى ەدەۋٸر جەڭٸلدەتەدٸ. كٷز-قىس ماۋسىمىندا 18 ەلمەن, جاز ايلارىندا 20 ەلمەن ەۋە بايلانىسى بار. اپتاسىنا 36 قالاعا شامامەن 250 حالىقارالىق رەيس ورىندالادى. 2025 جىلدىڭ بٸرٸنشٸ جارتىجىلدىعىندا ەلورداعا حالىقارالىق باعىتتار بويىنشا جولاۋشىلار اعىنى 15%-عا ٶستٸ.
بۇل كٶرسەتكٸش مەديتسينالىق تۋريزمنٸڭ دامۋىنا تٸكەلەي ەسەر ەتەدٸ, ياعني ەمدەلۋ ٷشٸن ساياحاتتاۋ ەلدەقايدا جەڭٸلدەيدٸ.
استانا – ٶڭٸردەگٸ جٷرەك-قان تامىرلارى مەديتسيناسىنىڭ جەتەكشٸ ورتالىقتارىنىڭ بٸرٸ. مۇندا اسا كٷردەلٸ وپەراتسييالاردىڭ بارلىق تٷرٸ جاسالادى, ونىڭ ٸشٸندە از ينۆازيۆتٸ ارالاسۋلار, ستەنتتەۋ, شۋنتتاۋ جەنە تۋا بٸتكەن اقاۋلاردى تٷزەتۋ.
ەلوردانىڭ باستى جەتٸستٸكتەرٸنٸڭ بٸرٸ – ALEM (Astana Life Ex-situ Machine) اپپاراتىنىڭ جاسالۋى. بۇل قۇرىلعى دونورلىق ورگانداردى ادام دەنەسٸنەن تىس 24 ساعاتقا دەيٸن ساقتاۋعا جەنە ەمدەۋگە مٷمكٸندٸك بەرەدٸ.
ول 36-37°C تەمپەراتۋراسىن ۇستاپ تۇرادى, وتتەگٸمەن قامتاماسىز ەتەدٸ, قىسىم مەن قاننىڭ گاز قۇرامىن باقىلايدى, دياگنوستيكا جٷرگٸزۋگە جەنە دەرٸ ەنگٸزۋگە مٷمكٸندٸك بەرەدٸ. وسىلايشا ترانسپلانتاتسييا ۋاقىتىن ەدەۋٸر ۇزارتىپ, اسقىنۋ قاۋپٸن ازايتادى.
2025 جىلى مەديتسينالىق ورتالىق اۋرۋحاناسىندا العاش رەت جٷرەككە روبوتتىق وپەراتسييا جاسالدى.
قازاقستاندىق جەنە قىتايلىق حيرۋرگتار توبى 28 جاستاعى پاتسيەنتتٸڭ جٷرەكشەارالىق پەردە اقاۋىن ستەرنوتوميياسىز, مينيمالدى قولجەتٸمدٸلٸك ارقىلى سەتتٸ تٷزەتتٸ.
ۇلتتىق نەيروحيرۋرگييا ورتالىعى – ٶڭٸردەگٸ ەڭ مىقتى ورتالىقتاردىڭ بٸرٸ. مۇندا Gamma Knife جٷيەسٸ ورناتىلعان, ول مي ٸسٸكتەرٸ مەن تامىرلىق پاتولوگييالاردى تٸلٸكسٸز, جوعارى دەلدٸكپەن جەنە مينيمالدى جاراقاتپەن سەۋلەمەن ەمدەۋگە مٷمكٸندٸك بەرەدٸ. قازاقستان – بۇل قۇرالدى ەنگٸزگەن ورتالىق ازيياداعى العاشقى ەل. 2 000-نان استام راديوحيرۋرگييالىق پروتسەدۋرا جاسالدى.
استانا رەپرودۋكتيۆتٸ مەديتسينا بويىنشا ورتالىق ازيياداعى جەتەكشٸ ورتالىق مەرتەبەسٸن سەنٸمدٸ تٷردە ساقتاپ كەلەدٸ. جوعارى نەتيجەلٸلٸك, زاماناۋي ەمبريولوگييالىق زەرتحانالار جەنە قولجەتٸمدٸ ەم باعاسى شەتەلدٸك پاتسيەنتتەردٸ كٶپتەپ تارتادى. 2025 جىلدىڭ العاشقى توعىز ايىندا «ەكومەد» كلينيكاسىنىڭ ەلوردالىق فيليالىنا 102 شەتەلدٸك پاتسيەنت جٷگٸنگەن.
كەلۋشٸلەر سانى بويىنشا رەسەي, قىتاي جەنە قىرعىزستان العاشقى ٷشتٸكتە.
ەلوردا كلينيكالارى روبوتتاندىرىلعان حيرۋرگييالىق جٷيەلەردٸ, ناۆيگاتسييالىق تەحنولوگييالاردى جەنە از ينۆازيۆتٸ ەدٸستەردٸ ەنگٸزٸپ جاتىر, ولاردىڭ كٶمەگٸمەن وپەراتسييالار جوعارى دەلدٸكپەن جەنە تٸندەردٸ مينيمالدى زاقىمداي وتىرىپ جٷرگٸزٸلەدٸ.
بۇل پاتسيەنتتەردٸڭ تەز قالپىنا كەلۋٸنە, ستاتسيوناردا از ۋاقىت ٶتكٸزۋٸنە جەنە بەلسەندٸ ٶمٸرگە ەرتە ورالۋىنا مٷمكٸندٸك بەرەدٸ. شەتەلدٸك پاتسيەنتتەر ٷشٸن بۋىن ەندوپروتەزدەۋ, ارتروسكوپييا, سپورتتىق جاراقاتتاردى ەمدەۋ جەنە وڭالتۋ باعدارلامالارى ەرەكشە قىزىعۋشىلىق تۋدىرادى.
ستوماتولوگييا جەنە ەستەتيكالىق مەديتسينا – استاناداعى مەديتسينالىق تۋريزمنٸڭ ەڭ سۇرانىسقا يە باعىتتارىنىڭ بٸرٸ. سەبەپتەرٸ ايقىن: زاماناۋي جابدىق, جوعارى ساپا جەنە ەۋروپا مەن تاياۋ شىعىسقا قاراعاندا ەلدەقايدا تٶمەن باعا. ەلوردا كلينيكالارى كەڭ اۋقىمدى قىزمەتتەردٸ ۇسىنادى: ەستەتيكالىق ستوماتولوگييا, يمپلانتاتسييا جەنە پروتەزدەۋ; زاماناۋي ەلاينەرلەر مەن تسيفرلىق جوسپارلاۋ جٷيەلەرٸن قولداناتىن ورتودونتييا; پلاستيكالىق حيرۋرگييا, ونىڭ ٸشٸندە رينوپلاستيكا, بلەفاروپلاستيكا, ليپومودەلدەۋ, رەكونسترۋكتسييالىق وپەراتسييالار.
شەتەلدٸك پاتسيەنتتەر كٶبٸنە كونسۋلتاتسييالار, حيرۋرگييالىق ارالاسۋ جەنە وپەراتسييادان كەيٸنگٸ قولداۋدى قامتيتىن كەشەندٸ پاكەتتەردٸ تاڭدايدى.
قالپىنا كەلۋدٸڭ قىسقا مەرزٸمدەرٸ مەن مامانداردىڭ جوعارى بٸلٸكتٸلٸگٸ بۇل باعىتتاردى مەديتسينالىق تۋريزم ٷشٸن ەڭ تانىمال ەتۋگە ىقپال ەتەدٸ.
Astana Tourism كلينيكاسى Astana Vision-مەن بٸرلەسٸپ جاڭا تۋرٶنٸمدٸ ٸسكە قوستى. ول تۋريستەرگە ەلورداعا ساياحاتتى كٶزدٸ كەسٸبي دياگنوستيكالاۋ جەنە كٶرۋدٸ تٷزەتۋ رەسٸمدەرٸمەن ۇشتاستىرۋعا مٷمكٸندٸك بەرەدٸ. استاناعا ەمدەلۋ ماقساتىندا ەمەس كەلگەن قوناقتار دا تەكسەرۋدەن تەز ٶتٸپ, لازەرلٸك كوررەكتسييا نەمەسە باسقا دا پروتسەدۋرالاردى ٶز جوسپارلارىن ٶزگەرتپەي ورىنداي الادى. بۇل ٶنٸمدٸ قولجەتٸمدٸ, ىڭعايلى جەنە كەڭ اۋقىمدى تۋريستەر ٷشٸن تارتىمدى ەتەدٸ.
جاڭا باعىتتاردى اشۋ, يننوۆاتسييالاردى ەنگٸزۋ جەنە شەتەلدٸكتەرگە ارنالعان ىڭعايلى سەرۆيستەردٸ دامىتۋ ارقىلى استانا ٶڭٸردٸڭ جەتەكشٸ مەديتسينالىق حابى مەرتەبەسٸن نىق قالىپتاستىرىپ كەلەدٸ.
قالا ساپالى مەديتسينا, تەحنولوگييالىق دامۋ جەنە قوناقجايلىلىق ٷيلەسٸم تابا الاتىنىن دەلەلدەپ وتىر.
وسىلايشا ەلورداعا ساپار تەك ساياحات ەمەس, دەنساۋلىققا جول اشاتىن قادامعا اينالادى.
«مەديتسينالىق تۋريزم – بٷگٸنگٸ تاڭدا ەڭ سۇرانىسقا يە باعىتتاردىڭ بٸرٸ. قازاقستان Joint Commission International (JCI) اككرەديتاتسيياسىنان ٶتكەن كلينيكالار سانى بويىنشا ەلەمدە 25-ورىندا, ولاردىڭ جەتەۋٸ استانادا ورنالاسقان. 2024 جىلى شامامەن 4,5 مىڭ شەتەلدٸك پاتسيەنت JCI ستاندارتتارى بويىنشا ەم الدى. ولاردىڭ قاتارىندا چەكاپ باعدارلامالارى, رەپرودۋكتيۆتٸ مەديتسينا, كارديوحيرۋرگييا, ونكولوگييا بار. بٸز دياگنوستيكانى جەنە ەمدەۋدٸ ەكسكۋرسييالىق باعدارلامالارمەن بٸرگە ۇسىناتىن مەديتسينالىق تۋرپاكەتتەر قالىپتاستىرىپ جاتىرمىز», – دەدٸ «Astana Tourism» تۋريزمدٸ دامىتۋ ورتالىعى باسقارماسىنىڭ تٶراعاسى ارتيوم كۆاشۋك.
استانانى جوعارى تەحنولوگييالى ەرٸ قولجەتٸمدٸ مەديتسينالىق قىزمەت الۋ ورنى رەتٸندە تاڭداعان شەتەلدٸك پاتسيەنتتەردٸڭ بٸرٸ – كانادادان كەلگەن ناتاليا.
«بەس جىل بويى اۋىرسىنۋ مەن جايسىزدىقتى باستان ٶتكەرٸپ جٷردٸم, ال وپەراتسييادان كەيٸن كەلەسٸ كٷنٸ-اق جەڭٸلدٸكتٸ سەزٸندٸم. وپەراتسييا ٶتە جوعارى دەڭگەيدە ٶتتٸ. مەديتسينالىق قىزمەتكەرلەردٸڭ ىقىلاسى مەن كەسٸبيلٸگٸنە تەنتٸ بولدىم. نەيروحيرۋرگييا ۇلتتىق ورتالىعىنىڭ دەرٸگەرلەرٸنە كٶرسەتكەن قامقورلىعى مەن جوعارى ستاندارتتاعى ەم ٷشٸن العىس ايتامىن», – دەدٸ ناتاليا.
رەسەيلٸك پاتسيەنت اننا دا ەلوردالىق ورتوپەد-حيرۋرگتارعا جٷگٸنگەن.
«مەن ياكۋتييادان استاناعا ەكٸ تٸزە بۋىنىن ەندوپروتەزدەۋ ٷشٸن كەلدٸم. قاتتى قوبالجىدىم, بٸراق العاشقى مينۋتتاردان-اق قامقورلىق پەن كەسٸبيلٸكتٸ سەزٸندٸم. وپەراتسييا سەتتٸ ٶتتٸ, قالپىنا كەلۋ جىلدام جٷرٸپ جاتىر. Green Clinic دەرٸگەرلەرٸنە راقمەت, ولار ماعان اۋىرسىنۋسىز جٷرۋ مٷمكٸندٸگٸن قايتاردى», – دەدٸ اننا.
شەتەلدٸك پاتسيەنتتەردٸڭ استانادا مەديتسينالىق قىزمەتتەرگە جٷگٸنۋٸ – ەلورداداعى كٸرۋ تۋريزمٸن دامىتۋدىڭ باسىم باعىتتارىنىڭ بٸرٸ.
«شەتەلدٸك پاتسيەنتتەردٸڭ استانادا ٶزٸن جايلى جەنە قولداۋدا سەزٸنۋٸ – بٸز ٷشٸن ماڭىزدى. مەديتسينا ساپاسى, زاماناۋي تەحنولوگييالار جەنە دەرٸگەرلەردٸڭ قارىم-قاتىناسى ەلوردانىڭ بەدەلٸن ارتتىرادى. بٸز پاتسيەنتتٸڭ كەلۋ جولىن بارىنشا ىڭعايلى ەتۋ باعىتىندا جۇمىستى جالعاستىرىپ جاتىرمىز, ەربٸر ەمدەلۋ جولى دەرٸگەرلەرگە دەگەن العىسپەن اياقتالۋى كەرەك», – دەدٸ «Astana Tourism» مەديتسينالىق تۋريزم دەپارتامەنتٸنٸڭ ديرەكتورى بازاربەك قامىسباەۆ.
