حالقىم باردا
سوندا قالاي, ٶمٸرٸم بوسقا ٶتكەن بە?!
وسىلاي بٸر بايلامعا كەلدٸم بٷگٸن,
قارادىم دا سٷيٸسكەن قوس كەپتەرگە.
مەندە ارامدىق جوق ەدٸ الابٶتەن,
دوسسىز ٶمٸر جالعاندا قاراڭ ەكەن.
قاق جارىلعان قاۋىمعا قايران جٷرەك,
قاشان عانا قاڭىراپ قالار ەكەن?!
سەل سابىر ەت, ەي دوسىم, جاسىماعىن,
دوسسىزبىن دەپ مەن نەگە اشىنامىن?!
دوس كەپ مەندە, قاشاننان دوسىم - حالقىم,
قارايمىن دا مەن سوعان باسىلامىن.
دوسسىزبىن دەپ ايتا المان حالقىم باردا,
ساياسىندا حالقىم بار سالقىنداۋعا.
قارعاماسا بولعانى حالقىم مەنٸ,
اينالماسا بولعانى نارقىم داۋعا...
قالت-قٷلت ەتٸپ, مەيلٸ, مەن كٷن كەشەيٸن,
كٷن كەشەيٸن, ەلٸممەن بٸرگە ٶسەيٸن.
مەنٸ ەزٸرگە, ەي, تاعدىر, مازالاما?
ەمٸن-ەركٸن جۇرتىممەن تٸلدەسەيٸن!
مۇقاعالي ماقاتاەۆ
